Der stadt Leyden Dienst-bouc

[Tot voltreckinge van welcke quijtscheldinge]

Tot voltreckinge van welcke quijtscheldinge, aengaende tBorchgraefschap, ende ten eynde tzelve niet wederomme en zoude gheraecken in handen van eenighen particulieren Heer, maer altijts aen het Graefschap mocht blijven vereenicht, aen twelc dezer Stede (om niet weder mitten Burchgraven, die haer gesach alomme tot naerdeel vande Stede sochten te vermeerderen, te gheraecken in oneenicheyden) niet weynich gheleghen was den Regierders inder tijt wacker wezende, ende niet verzuymich omme theete yzer in tijts te smeden, verzocht, ende verworven hebben de twee hier navolgende Privilegien.

Johan by der genaden Goids, Palengraue opten Rijn, Hertoge in Beyeren, Soon van Henegouwen, van Hollant, van Zeelant, &c. Doen] kont allen luyden, vvant Heer Philips van Wassenaer ons die Burchgreefscap van Leyden mitten Gerechte ende heerlicheden] gelijc als die zoene tusschen ons, den seluen Heren Philips, ende andere die by hem vvaren, ende der stede van Leyden lest]. gemaict vvas, inhoudt ende vvtvvijst, mit hande ende mit monde ouergegeuen heefft, So hebben vvy geloefft, ende gelouen] mit desen brieue, Onser goeder getruvver Stede van Leyden voir ons ende onse eruen ende nacomelingen, dat die Burchgreefscip] mit hoiren toebehoeren voirs. tot evvigen dagen blijuen sall aen ons ende aen onsen eruen ende nacomelingen, ende nemmermeer] noch tot genen

[p. 56]

dagen, mit geenrehande saken dair aff versceyden en sal vverden in geenrevvijs. Alle dinc sonder argelist.] In orkonde desen brieue besegelt mit onsen zegele. Gegeuen in onser Stede vanden Brielle opten vijfthiensten dach in Februario, int jair ons Heren M. C C C C. ende tvvyntich, na den lope van onsen Houe.

Tvoorschreven Privilegie was geschreven in een stuc franchijns, lang acht duymen, vier greynen: hooch vier duymen, eene greyn: behalven een ploye van eene duym, zes greynen: ende bezegelt aen een doublen franchijnen staert, breet vijf greynen: mit een root wassen zeghel, groot in zijn dwerslinie, eene duym, zes greynen: daer inne af gedruct stonden twee Griffoenen, tzamen houdende een gesloten van zijds aensienden helm: onder den welcken hanghende was een dwerssen schilt, aende slinckerzijde (als wezende de rechte zijde gheheel wech) verwapent boven mit de vier climmende Leeuwen: te weten, de wapenen van Henegouwen, beneden mitte wapenen van Beyeren: hebbende tot eenen tymber een croone, daer boven uytsteeckende een vederbos van paus-vederen: ende in den ommeloop de volghende noch leesbare letteren,

S. Joh. Cōit. Palati. Reni, Duc in Bavar. wezende de reste wech.

Ende opten rugghe een contre-zeghel, groot in zijn dwerslinie omtrent zeven greynen, ende twee derdepaerten: daer inne af gedruct stont een dwers schildeken, bezet mit eenen climmenden Leeu, hanghende aen een helm, ghetymbert als voren, ende staende tusschen twee personagien, daer van den ommeloop my niet leesbaer en was.

Jacob bider genaden Goids Hertogynne in Beyeren, Grauynne van Henegouwen, van Hollant, van Zeelant, van Ponthien, ende Vrouvve van Vrieslant,] Doen cond allen luden, vvant Heer Philips, heer van Wassenair, in sinen leuenden lijue mit hande ende mit monde, onsen lieuen oom] saliger gedachten, Hertoge Johan van Beyere, die Burchgraefscip van Leyden, mitten gerechte ende heerlicheden

[p. 57]

ouergegeuen heeft, na vvtvvij]singe der zoenen, gemaict tusschen onsen lieuen oom voirscreuen, ende onser stede van Leyden, mitten genen die van him dair ynne belegen] vvaren, geliic oic ons liefs ooms voirs. brieue, die hii onser stede van Leyden dair of gegeuen heeft, dat clairliker vvtvviisen.] So hebben vvii om dat die ouerghifte der Burchgraefscip mitten gerechte ende heerlicheden voirscreuen, ons ende onser Graeflichede van] Hollant grootelic mede draget, der seluer onser Stede geconfirmeert, ende confirmeren mit desen brieue, alsulke hantuesten ende] brieue als onse lieue oom voirscreuen; onser getruvver Stede voirscreuen, dair off gegeuen ende bezegelt heeft, ende geloven voir ons, ende] onsen nacomelingen onser getruvver Stede voirs., die voirscreuen hantueste te houden, te doen houden, ende dair ynne te styuen ende te starken, sonder yet anders dair in te laten vallen of te geschien, tot evvigen dagen. Oic mede hebben vvii der seluer onser] getruvven Stede geconfirmeert, ende confirmeren mit desen seluen brieue alle alsulke hantuesten ende vryheden als sii hebben] van ons, ende van onsen voiruorderen Grauen van Hollant, ende gelouen him oic voir ons, ende onsen nacomelingen voirs. dair ynne] te houden, te stijuen, ende te starcken inder manieren voirscreuen, sonder enich arch of list. In oirconde desen brieue besegelt] mit onsen zegele hier an gehangen. Gegeuen inden Hage vpten thienden dach in Junio, int jair ons Heren dusent vierhondert] ende dertich.

T'voorschreven Privilegie was gheschreven op een stuck franchijns, lang acht duymen, zeven greynen: hooch vijf duymen, een greyn: behalven een plijc of ploye van eene duym, vier greynen: ende bezeghelt aen doublen franchijnen staerten, breet vij greynen: mit een root wasschen zeghel, groot in zijn dwerslinie omtrent een duym, zeven greynen ende een halve: daer inne afgedruct stont een Marien beeldt, hebbende opten linckeren arm een kindeken,

[p. 58]

ende inden rechteren handt een palmtac: ende voor haren schoot een rechtstaende ghequartilleerden schilt, mit de wapenen van Beyeren ende Henegouwen: ghehouden zijnde van twee staende Leeuwen, al ghestelt in eenen Hollantschen tuyn: hebbende in den ommeloop in een rolle dees letteren:

S. Jacob Hertoginne in Beyeren, Gravinne van Henegouwen, van Hollant, van Zeelant, ende Vrou van Vrieslant.

In voughen voorzeyt beliefdet God dat de stadt van Leyden inne genomen, ende mit eenen van tgesach der Burchgraven bevrijt, ende ontset werde, ter eeren ende ghedachtenisse van twelc wy zijnen Godlicken naem willen loven ende dancken, mitten volgenden Lofsang.