Der stadt Leyden Dienst-bouc

[p. 39]

[Dirc van Wassenaer, Burchgraue van Leyden, Ridder]

Dirc van Wassenaer, Burchgraue van Leyden, Ridder, doe cont allen luden dat ic vercoft hebbe alle die eruen] die gheleghen zien omtrent die Burch, alsoe Fameynsen Floriis Meliis zoens vveduen erue, alsoe als ziit nu be]muyrt heft, ende voerd van Dirc Nannekiins zoens erue alsoe als hiit bemuyrt heft, alle ommegaens die Burch] tote Dirx huyse toe van den vliet dair hi nu ter tiit in vvoent, alsoe alst een yeghelike nu ter tijt bemuyrt] heft, te vvaren tote evvighen daghen] voer mi ende voer mijn nacomelinghen, him ende horen nacomelinghen: voert belie ic mi van desen voirscreuen] eruen al vol betailt ende voldaen den sesten penning mitten eersten: voert zient voervvairde dat een yeghelike] van desen voirsreuen luyden die dese eruen ghecoft hebben jeghen mi, zine muyren maken selle ende houden ander halfstien dicke, ende achte rode voete hoich, ende dese maten an te segghen binnen an enen yeghelike muyr, en] bi den Gherechte van Leyden die mate an te segghen, ende niet lagher die muyre te maken, mer vvel hogher] of zi vvillen: voert soe mach een yeghelic tymmeren op dese muyren na zinen vville, mar een yegheliic] sel zinen haluen vvaterganc buyten deser muyren behouden: ende dat en zel ic noch mine naicomelinghe] him niet moeghen verbieden. Voirt soe zien noch voirvvairde dat niemant van alle dese voirscreuen enigen] vytgang hebben zel toter burchvvard, mar sellen alle bemuyrt vvesen tot evvighen daghen, ten sie allien] dat een yeghelic in zijn erue hebben mach en in ziinre muyre ter burchvvaerd ene doere halfs stiens] dicke, vier voete vvijt, ende ses voete hoich, jof daer en binnen, in deser manieren offer yenich noet van brant] quame, des God verren moit, soe souden zi moeghen een yeghelic ziin doer op doen tote dier noet, ende ziin] goyd dair vluchten an die burch ende verberghen: ende vvanneer dat die brant gheutet vvair, soe sellen een ye]ghelic zijn doer den vveder toe legghen: ende alle dinghe sullen vvesen sonder arghelist. Voird die graft die ghe]leghen is tvvisken Werenbout, Willems zoen, ende Jan Clays soen die selmen houden an vvater toter ghemiene] bruycvvair ende oirbair. Voerd die grafte tvvisken Dirx van den Vliete ende Clays Jans zoen die en sel nie]ment moghen betimmeren, mar die sel bliuen ter burch oirbair ende der buyre bruycvvair. Voerd soe heb] ic of ghelaten

[p. 40]

van allen desen voirscreuen die dese eruen nu ter tiit jeghens mi hebben, al vvair dat zake dat yenich] van him allen miin erue an ghedaen hadde of ghebruyct, dat ic him dair of ghiene moynesse of doen en] sel noch calingyeren, ende sceldese dair of quite voir mi ende voir mine nacomelingen, Om dat ic dit vvittelic] ende ghetrouvvelic houden vvil voer mi ende voer minen nacomelingen allen den ghenen voerscreuen, him ende horen] nacomelingen, soe heb ic desen brief open bizeghelt mit minen zeghel. Ghegheuen int jair, ons Heren duzent] driehondert ende tsestich op den dertienden auont.

Ende was gheschreven op een stuck franchijns, lang zes duymen, elf greynen: hooch vijf duymen, zes greynen: ende bezeghelt aen een enckelen uythanghenden door-ghesteecken ghevlochten franchijnen staert, mit een groen wasschen zegel, hooch omtrent acht greynen, hebbende tafdrucksel vande wapenen van Wassenaer, ghelijck die hier voren zijn beschreven.