Logo DBNL
Proza-bewerkingen van het leven van Alexander den Groote in het Middelnederlandsch (1898)

Proza-bewerkingen van het leven van Alexander den Groote in het Middelnederlandsch

(1898)–S.S. Hoogstra–rechtenstatus Auteursrecht onbekend

Vorige Volgende
tekstkritische noten

Vander zonnen ende der manen boemen.
Cap. L.+

1Als Alexander quam byden boemen, so quam hair paep 2tegens hem uut te voet ende hy was al ghecleet mit hude ende 3hy stont ghetant als een hont ende sijn oeren waren doirghegaet 4ende dair hingen gulden ringe an mit preciosen stenen. 5Die pape vraghede Alexander, wat hy dair jaghede ende wat 6hi woude. Alexander antwoerde ende seide, dat hy woude 7zien die heilige bome vander zonnen ende vander manen. Die 8paep antwoirde, opdat hy ende sijn geselscap zuver waren ende 9sonderlinge van wiven, so soude hyse mogen zien ende horen 10spreken, wat dat hy begeerde te weten. Mer hy seide dat die 11zonne-boem sprake, als die zonne des avonts onder gaen soude, 12ende als sy opginge des morgens, ende der manen boem des 13ghelijcx. Ende die boeme stonden in enen bosch inden middel, 14ende dat bosch was omghemuert mit eenre mueren, die niet zeer 15vast en was. Ende doe sy dair binnen gaen souden, so hiet hy 16hem allen afdoen hair costelike cleder ende haer duerbare 17juwelen. Ende doe sy binnen gegaen waren, so sagen sy scoen

tekstkritische noten

18bomen twe, staende inden middel ende elc was wel hondert 19+ voete † hoge, ende dair hinc balseme an, die dair afdroep gelijc 20krieken. Ende die coninc ende sijn ghesellen raepten dier balsemen20. 21voel, om dat sy so wel roeck. Want die coninc leyde mit 22hem bynnen IIIC van sinen ridders. Ende om dat dese bome22. 23so scoen waren ende van balseme so wel geladen, so waende 24Alexander, dattet dair plach te regenen. Mer die paep zwoer, 25dat dair nye regen, noch voegel, noch beeste en quam, ende 26hy seide hem, datsy ghewyët waren inder zonnen ende der 27manen eer, ende dat sy so scoen ende so lanc worden, dat 28wair van heilicheiden. Doe woude Alexander den boemen doen 29offerhande, mer die paep verboetet hem, ende hy hiet hem 30ende sinen luden, dat sy die boemen aenbeden souden ende 31cussen. Dese paep ende die lude van dien lande sy plagen wel 32IIIC jair te leven ofte meer.


Vorige Volgende