De wylde boerinne en oar wurk

[p. 176]

Bea oan aiolus¹

Wês, Aiolos, ús genedich,
Hâld Favonius² wat yn twang,
Want syn razen en syn bearen,
Makket ús sa eang en bang.
Hark him gûlen troch de tûken,
Troch de triedden fan it ljocht,
Hark him gieren yn 'e skoarstien
Op syn wylde oerwinningstocht.
Al wat los sit, is syn bút,
En hy swypket heech de weagen,
Op 't ferdjer fan skippen út.
Nee, yn ús ûnthâldingsdagen
Leit dy wyn net yn 't bestek,
Dus, bedimje him, Aiolos:
Stopje 't jonkje yn in sek.

1 De god fan de winen.

2 De S.W.-wyn.