De wylde boerinne en oar wurk

[p. 159]

Widzesankje

It moskje sjongt yn 't hege reid,
It sjongt foar 't lytse berntsje.
It lurkje yn 'e wolkens geit
Syn liet foar 't lytse berntsje.

It roaske kipet troch it glês,
It sjucht nei 't lytse berntsje.
It wyntsje sûzet troch it gers,
't Fertelt fan 't lytse berntsje.

It sintsje blierket heech omheech
It skynt foar 't lytse berntsje.
It marke leit yn' slom omleech,
It droomt fan 't lytse berntsje.

De poes sit drôgjend by de hurd
En spint foar 't lytse berntsje.
It hûntsje tyspelt mei de sturt,
En past op 't lytse berntsje.

Strak wurdt it nacht, mar ha gjin noed
Foar 't lok fan 't lytse berntsje,
Dan saaie der ingels del, sa goed,
En weitsje foar ús berntsje.