Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende CXLI. ¶ Een oudt liedeken RJick god hoe mach dat wesen Dat ic dus droeuich ben Jc hadde een wtgelesen So vast in mijnen sin Jc en can haer niet vergheten Hoe seere dat icx mi pijn Wat wil ic mi vermeten Druck moet mijn eyghen zijn 2.[regelnummer] Schoon lief ick sou v vraghen Woudijt in duechden verstaen. Sal ic noch langer iagen Eer ic v sal connen gheuaen Jc hebbe v wtuercoren Al in dat herte mijn Segt mi salt zijn verloren Druck moet mijn eyghen zijn 3.[regelnummer] Gheselle wel lieue gheselle Segt mi tot deser tijt Hoe dorst ghi mi vertellen Dat ghi in drucke zijt Al hebdy mi wtuercoren Wat weet ick uwen gront. Mach v wat goets gebueren weest huesch in uwen mont 4.[regelnummer] Schoon lief conste ic vercrigen Van v een troostelijc woort [pagina 211] [p. 211] mijn kniekens sou ic buygen Voor v alst wel behoort Seer stille soude ict draghen. Al in dat herte mijn Wat bact dat ic veel claghe Druc moet mijn eygen zijn. 5.[regelnummer] Geselle ghi zijt seer schoone van woorden Bedroch is v gheleert Gelijc den wint van noorden Sidy van mi ghekeert men mach v niet betrouwen. Dat segghe ic v goet ront Begheerdy wil van vrouwen Sijt huesch in uwen mont 6.[regelnummer] Schoon lief wilt goelijc wesen antwoort mi niet te fel Jc heb dicwils hooren lesen Dat twee liefkens namaels maken spel Jc hope den tijt sal keeren Al schiet ghi v fenijn Nochtans wil ic v eeren Al soude druc myn eygen zijn 7.[regelnummer] Geselle ghi sout v scamen dat ghi mi dus dic vermaent Ghi gaet al door die bramen den wech is onghebaent die ghi beghint te treden Och wiste ick uwen gront Jc waer noch badt te vreden waerdi huesch, in uwen mont 8.[regelnummer] Schoon lief laet ws gedincken so menigen swaren sucht. die ic v plach te schincken Ende al wt goeder duecht Ter straten ende ter kercken. Als ic sach v blide aenschijn [pagina 212] [p. 212] Hebdijs niet willen mercken So moct druc myn eygen zijn. 9.[regelnummer] Gheselle v soete woorden Die gaen int herte mijn mer oft also ghebuerde dat water worde wijn Ende ghi myn minue cost crigen waer v dat niet een vont Soudy wel connen swijghen Ende huesch zijn in uwen mont. 10.[regelnummer] Och ia ic reyn vrouwelijc wesen Van v heb ict geleert so waer minen druck genesen wes ghi op mi begeert och mocht mi dat volcomen. V lieflijc blijde aenschijn En derf ic mi nyet beromen Druck moet mijn eygen zijn 11.[regelnummer] Geselle laet v niet verlangen Leeft voort op goeden troost men leyt so menigen geuangen die namaels wert verlost Weest huesch tot alle tijden. En maect dat niemant condt Trou suldi aen mi vinden. Sijt huesch in uwen mont. 12.[regelnummer] Jc dancke v venus minne Van uwer duechden groot. god laet mi trou aen v vinden Helpt mi wt deser noot Vvriendelijc aenschouwen. doet mijnder herten pijn o reyn natuere van vrouwen Laet vruecht mijn eygen zijn 13.[regelnummer] Geselle wilt vruechde bedrijuen Als nv tot deser tijt [pagina 213] [p. 213] Jc wil v vruecht toescrijuen Mijn herte hebdy verblijt. Al met vrou venus strale hebdi mijn herte doorwont V eyghen ben ic altemale. Weest huesch in uwen mont 14.[regelnummer] Vrouwen eere mach ic wel seriuen Wes mach mi aen gaen Een bloeme bouen alle wijuen die heeft mi troost ghedaen Myn trouwe is mi geloont. Vaert wech mijnder herten pyn Myn druc derf mi niet rouwen Vruecht sal mijn eyghen zijn 15.[regelnummer] Ter eeren van alle vrouwen So is dit liet ghemaect men loont so die met trouwen Daerom ist dat wel betaelt. Men mach wel eere bewisen schoon vrouwen op elc termyn cost ic troost van haer vercrigen druck soude vergheten zijn Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd