Horae Belgicae


CXLII. ¶ Een oudt liedeken 1.[regelnummer] RJic god wie sal ic clagen dat heymelijc lijden mijn Mijn boel is mi veriaghet Scheyden is mi geworden pyn Mijn boel is mi veriaget Sceyden is mi geworden cont dus draue ic ouer geen heyde myn herte is mi seer gewont 2.[regelnummer] Hi badt mi so minlijcke Met witten armen blanck
[pagina 214]
dat ic bi hem woude bliuen Die somer en is niet lanck Jc en mach bi v niet bliuen. Jck en mach bi v niet zijn Jck wil ouer geen groen heide Tot die alder liefste mijn 3.[regelnummer] Moet ic nv van haer sceyden dat doet mijnder herten so wee dus vaertse ouer gheen heiden Tot dat icse wederomme sie Adieu mijn alderliefste mijn herte blijft mi doorwont Jck en mach altijt bi v niet wesen Blijft ghi nv doch altijt ghesont 4.[regelnummer] Een bitter cruyt is scheyden Dat proeue ic wel nv ter tijt Wie noyt van zijn liefken en scheyde Hi en weet van gheender pijn Mijn liefken vaert ouer gheen heyde Jc en mach bi haer niet zijn Adieu mijn alderliefste Het moet nv gescheyden zijn.