Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende CXXV. ¶ Van die coninghinne van Denemercken 1.[regelnummer] O Radt van auontueren Hoe wonderlijck draeyt v spille Den eenen moet ongeluc gebueren Die ander heeft so wel sinen wille Van die coninghinne van Denemercke Ysabeele dat vrouwelijc graen Die clachte die si dede God verleene haer die eewige vrede Dat suldi hier na verstaen 2.[regelnummer] O coninck van Denemercken Mijn man mijn here reyn. God wil v in duechden stercken Ende alle mijn kinderkens cleyn Nv moet ic van v scheyden Ende laten v in eenen soberen staet God willet hem vergheuen Die ons dus hebben verdreuen Oft daer toe gaf den eersten raet 3.[regelnummer] Mijn broeders zijn verheuen Ende mijn susters in staten groot Eylaes wi zijn verdreuen Ende liggen hier in groote noot [pagina 190] [p. 190] O heeren ende Prelaten Diemen hier al met ooghen aensiet Coemt doch alle mijn kinderkens te baten dat icse nv moet laten dat is mi een groot verdriet 4.[regelnummer] Die Coninc sprac met weenenden ooghen Och edel vrouwe en zijt niet versaecht Hoe salt mijn herte ghedoghen dat ghi dus deerlyc claecht. die kinderen sullen wel op gheraken Den Keyser wort haer onderstant Jc hope ick salt so maken Gods gracie sal met mi waken dat ick sal comen in mijn lant 5.[regelnummer] Adieu vrou Janne lieue moeder God behoede v voor teghenspoet Ende v Kaerle lieue broeder Dat edel Keyserlijc bloet Hadde ic tegen v moghen spreken Mer ic moet steruen die doot Ende claghen v mijnen ghebreken Dat mijn kinderen niet en worden versteken So en ware mi gheen steruens noot 6.[regelnummer] Adieu hertoghe van Oostenrijcke Donfernandus broeder goet Ende Leonora dier ghelijcke God behoede v voor teghenspoet Ende Katherijne suster reyne Die ic noyt en hebbe gesien Adieu myn kinderkens cleine Adieu mijn vrienden alle ghemeyne Adieu mijn man coninclijck engyen 7.[regelnummer] Dit heeft die coninghinne ghesproken Te Swijnaerde alst is bekent Daer haer herte is ghebroken Den Coninck daer zijnde present den .xix. Januario tghewaghen [pagina 191] [p. 191] CCCCC.XXV. beleuen Hi machse wel beclaghen Ende in zijn herte draghen Also langhe als hi mach leuen Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd