Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende CIX. ¶ Een oudt liedeken. 1.[regelnummer] MEt luste willen wi singhen Schoon lief al bider hant Van drie lantsheeren dingen Geboren wt nederlant. Cleue, Hoorne, ende Batenborch Haer namen zijn wel becant Met sanghe willen wijse prijsen Gaen wandelen al door dat lant 2.[regelnummer] Die heeren zijn wt ghetogen Al in dat gulden iaer Si en wouden niet weder keeren Si en waren ridder geslaghen Te Venegien dat si quamen. [pagina 166] [p. 166] Si maecten een verdrach Si en wouden niet weder keeren Si en besóchten dat heylighe graf 3.[regelnummer] Si namen daer malcander Al bider witser hant Wi rijden nv te samen Al door dat gulden lant Si saghen int suytwesten Al dat vergulden iaer Mer si waren vreemde gasten Te Jerusalem was haer begaer 4.[regelnummer] Die een heere sprack den stierman toe Hout uwen ancker al vast Bewaert v schip met staden Siet wel tot uwen mast Ghi hebt drie heeren gheladen Het en is om gheen ghelt te doen Bewaer v schip van schaden Dat ons gheen ghebrec en coem 5.[regelnummer] Schip roer ende prouanden Alle dinck is wel ghestelt Nv stieret van den landen Al in des gods gewelt Voor wint ende oock voor waghe dat meyr is onghewelt Wi willen vrolijck waghen Het ghelt ons euen dier 6.[regelnummer] Si seylden voor den wint Ende ooc al voor die waghen Te Jerusalem aen dat lant Salomons tempel dat si saghen Si traden te Jerusalem Al op dat heylich lant Si traden op dat heylich graf Daer maria so innich op lach 7.[regelnummer] Ghi heeren sidy daer om comen dat ghi ridders wilt gheslaghen zijn [pagina 167] [p. 167] Hout uwe scharen baren Ende laet den coopman varen Ende voert dat sweert met recht Ende beschermt weduwen ende weesen So voert ghi een goet recht Nv hebt ghi edelheyt ghecreghen. Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd