Horae Belgicae (1968)

Horae Belgicae

(1968)–A.H. Hoffmann von Fallersleben– rechtenstatus

Auteursrechtelijk beschermd

Vorige Volgende


CX. ¶ Een amoreus liedeken 1.[regelnummer] MOet mi lacen dijn, vriendelijc schijn Dus pijnlijc zijn Ghi liefste mijn Jn v ooghen gelijc dat euerswijn Dangerues is vol int bescheyden Al hadde ic den moet als peerlen fijn En claer robijn Stort dat herte mijn Vol griefs als water inden rijn Jck lijdt van allen siden Hebt met mi doch medelijden 2.[regelnummer] Och mijn liefste lieueken snel Alle mijn ghequel Mach niemant el Dan ghi, mineren also wel dat is midts dijns wijs beraden Wiens troost ic noch een cranck ghestel. Hoe dat herte snel Doet v beuel Jnt storten van uwen soeten rel die mi niet en can versaden Neemt mi doch in ghenaden. 3.[regelnummer] Mijn reynste lief vol eeren benijdt Ghi selue zijt Jck kendt ick lijdt Beware v god gebenedijt dijn sien is so vol weelden Wiens wesen so reyn so eerbaer zijt Ter werelt wijt Met dij verblijt Jck beminne v als ws leuens tijt
[pagina 168]
Wat batet dat ict hele Ghi en moecht mi niet veruelen 4.[regelnummer] Kendt mi doch die v ionste biet Voor nijders vliet Mer vrij aensiet. dat v is swaer is mijn verdriet Ghestadich van motiue Och edel lief, in duechden dooruliet die mi den spriet Van minnen schiet En weet ic en sal v laten niet En twijfelt niet V eygen sal ic bliuen 5.[regelnummer] Juno, Venus ende Pallas stranck Ghi hout mi in v beduanck Vry ende vranc. Want v gelaet wint al den danck So vriendelijck is v aenschouwen Tis recht dat v mijn ionste inspranck Wiens dicht oft sanc Mi maect geclanck Want inder werelt ommeganc Noyt vriendeliker van aenschouwe Jck blijue v goet ende getrouwe 6.[regelnummer] Neerstich ist mi dat ghi mi ontslaet Ende al mishaecht Wat liefde maect Wiens sinnen ghi hebt nv ontschaect Ende laet vruecht vermincken Mer waert dat ghi mi wat trooste Daer nv na snaect Mijn siele waect Och lief wilt mijns gedincken Ende laet troost aen mi sincken

Vorige Volgende