Horae Belgicae (1968)

Horae Belgicae

(1968)–A.H. Hoffmann von Fallersleben– rechtenstatus

Auteursrechtelijk beschermd

Vorige Volgende



[pagina 164]
CVIII. ¶ Een nyeu liedeken 1.[regelnummer] LVstige gheestkens amoreus Auentuerieus int werck van minnen Jc bidde v met herten coragieus dat ic vlus troost mach ghewinnen Mijn sinnen zijn mi so vast gheleyt Aen een die mi so wel ghereyt Steruen sal ic moet ic niet Triumpheren, bancketeren met mijn boel houeren Want si lust alle mijn verdriet Als si eens vriendelick op mi siet 2.[regelnummer] Al had ic alder werelt goet Jn mijn behoet, ende ic moet steruen dat bi zijn van minen lieue soet Sonder moet, so soude ic deruen Verwermen sal ic als ic mach mijns liefs troost al sonder verdrach Steruen sal ic moet ic niet. . 3.[regelnummer] Die aerdighe brieuen die si mi sandt Jn mijn hant, ende die amoreuse tale Si hout mijn herte in haer bedwanck Ghewont ben ic met Venus strale. Jck en salts haer niet af gaen Altijt tot haren dienste staen Steruen sal ic moet ic niet. . 4.[regelnummer] Jck sal alle mijn leuen lanck der liefden dranck, sonder versaden drincken, al souden mijn sinnen cranck Jn liefs bedwanc, bliuen versmaden Jn staden sal ic altoos staen die mi met minnen heeft beuaen Steruen sal ic moet ic niet. . 5.[regelnummer] Sulck in venus boocken toeyet Hem vernoeyt, lustich hanteren
[pagina 165]
Als ic daer mede ben ghemoeyt Therte doorgroeyt, ic en cans bestieren Roseren sal ic in alder tijt Na liefs danck der nijders spijt Steruen sal ic moet ic niet. . 6.[regelnummer] O Venus met uwen strale fel Gheeft beuel, mijnen lieue alteenen Dat si mi minne ende nyemant el Met herten snel, al sonder vereenen Verleenen, willet mi gestadich Ende tot mi also genadich. Steruen moet. 7.[regelnummer] Princelijck lief vol alder duecht Als ghi moecht, wilt mi bi blijuen Want bi v mijn sin verhuecht Jn ghelijcke vruecht, doet ghi mi bedriuen Schriuen sal ic met bloede root V eyghen te zijnc tot in mijn doot Steruen sal ic moet ic niet. .

Vorige Volgende