Horae Belgicae



[pagina 151]
C. ¶ Een nyeu liedeken. 1.[regelnummer] JCk seg adieu. Wy twee wi moeten sceiden Tot op een nyeu So wil ic troost verbeyden Jc late bi v dat herte mijn want waer ghi zijt daer sal ic zijn Tsi vruecht oft pijn Altoos sal ic v vry eygen zijn 2.[regelnummer] Mijns sins ghequel dat doet mi dicwils trueren Haer liefde rebel Die doet mi therte schueren tsceiden van v doet mi den noot ic blijf gewont ic segt v bloot Schoon bloeme minioot v eygen bliue ic tot inden doot 3.[regelnummer] Jc dancke v lief Reyn minnelic lief gepresen Voor alle grief So wilt mi doch ghenesen. dese niders fel met haer fenijn Si hebben belet ons blide aenschijn Op dit termijn. altoos sal ic v vry eygen zijn. 4.[regelnummer] Mijn hoop mijn troost Fortuyne sal noch keeren Lief op mi gloost So sal myn vruecht vermeeren. al moet ic deruen myn conroot Ende blijuen in dit lijden groot. Swaerder dan loot V eygen blijf ic tot inde doot 5.[regelnummer] Adieu van mi So zijt ghi nv gescheyden
[pagina 152]
Een ander met dy sal hem nv gaen vermeyden Coragieus gelijc deuerswyn Een amoreus cranselijn Puer ist van dijn Altijt sal ic v vrij eyghen zijn 6.[regelnummer] Adieu schoon stadt Adieu prieel vol vruechden Reyn maechdelijck vat Daer wi tsamen verhuechden Gedenct den troost die ghy mi boot Ghi zijt myn lief die ic noeyt en vloot Jc segt v bloot v eygen bliue ic tot inde doot