Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende [pagina 133] [p. 133] LXXXVIII. ¶ Een oudt liedeken. 1.[regelnummer] JN mijnen sin hadde ick vercoren Een maechdeken ionck van daghen Schoonder wijf en was noyt geboren Ter werelt wijt na mijn behaghen Om haren wille so wil ick waghen Beyde lijf ende daer toe goet Mocht ic noch troost aen haer beiaghen. So waer ick vro daer ic nv trueren moet 2.[regelnummer] Haer minne doet mi mijn herteken quelen Jck ducht dat ick dat besteruen sal Nochtans soude si mi niet veruelen Mocht ic noch troost van haer verweruen. Die nijders tonghen willen my bederuen des ben ick gheworden vroet Woude si mi in haer herteken eruen So waer ick vro, daer ic nv trueren moet. 3.[regelnummer] Jck en derfe haer niet voor oogen leggen. Aldus moet ick blijuen in die quale Noch van mijnen weghe doen segghen Aldus ist voor mi niet altemaele Nochtans is si die principale Die mi dicwils versuchten doet Mocht si dat weten die cuyssche smale So waer ick vro. 4.[regelnummer] Och oft si dat wiste die suyuer inecht Tghequel dat ick om haer moet lijden Si soude mi loonen bi haerder duecht Ende beteren in corten tijden Mer lacen dat staet daer besiden Nemmermeer so en crijghe ick boet Mocht ick noch eens met haer verblijden So waer ick vro. . 5.[regelnummer] Dat gepeys van huer doet mi verhooghen Hoe wilde ick mi blijde ghelaten [pagina 134] [p. 134] Jn spijt van alle nijders die mi ooghen Ende al die mi haten Och woude si mijn lijden vaten Dat reyne wijflijck bloet. Woudt si mi noch comen te baten So. . Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd