Horae Belgicae

LXXXVI.
¶ Een amoreus liedeken.

JC had een alder liefste
Die ic met ogen aensach
om haer quam ic gereden
Vanden auont al totten dach.
Om haer quam ic gereden.
Vanden auont al totter tijt
Och woude si mi in laten
dat reyn trou salich wijf.
Hi clopte also lijselijck
Met sinen hamere
Dat al die plancxkens sprongen,
van der camere
Staet op myn alderliefste.
Staet op ende laet mi in
Jc swere v bi mijnder trouwen
Jck waer so geerne bi di
Dat meysken schoot aen een hemdeken wit
Ter dueren dat si ghinck

[p. 130]

 

Jn haren blancken armen.

 

dat si haer liefken omuinck

 

Nv weset wellecom

 

Mijn lief mijns herten bruyt

 

Wi willen genoechte hanteren.

 

Ende maken gheen gheluyt

4.

Dat verhoorde die wachter.

 

Op hoogher tinnen

 

Hier is een schoon frisch iongelinc,

 

gecomen inne

 

Wat sal hi mi gheuen,

 

twee hooskens ende een paer schoen

 

Oft ic sal van hem clappen

 

Wat si opter cameren doen

5.

Och swiget wachter stille.

 

Laet dat verholen zijn

 

Jck sal v laten maken

 

Van goude een vingherlijn

 

Met eenen siden snoer.

 

Dat meysken haer hayr op bant

 

Haer mantelken liet si glijden

 

haer eere en duerde niet lanc

6.

Hi dede eenen bode seynden

 

daer hi den wachter vant

 

Wat gaf hi hem te loone

 

Een vingerlijnc aen zyn hant

 

Dat meysken hief op een liedeken

 

ende si sanck

 

Rijc god here vanden hemel

 

Waer den nacht noch eens so lanc

7.

Die dit liedeken dichte

 

dat was een ruyter fijn

 

Hi heuet so wel ghesongen

 

Tamsterdam al inden wijn

 

Hi heuet so wel ghesonghen.

 

Ter eeren die liefste zijn

[p. 131]

 

God sceyn dees nijders tongen

 

Bi schoon vrouwen ist goet zyn