Horae Belgicae

LXXX.
¶ Een nyeu liedeken

HEt ghinghen drie gespeelkens goet
Spaceeren in dat wout
Si waren alle drie beruoet
den haghel ende snee was cout
Die een die weende seere
die ander hadde huebschen moet
die derde begonste te vraghen.
Wat heymelijck boelschap doet

[p. 120]

3.

Wat hebt ghi mi te vraghen

 

Wat heymelijck boelschap doet

 

Het hebben drie ruytersche knechten

 

Gheslaghen mijn lief ter doot

4.

Hebben drie ruytersche knechten.

 

Gheslaghen v lief ter doot

 

Een ander boel sult ghi kiesen

 

Ende draghen huebschen moet

5.

Soude ick een ander boel kiesen

 

Dat doet mijnder herten so wee.

 

Adieu mijn vader ende moeder

 

Ghi en siet mi nemmermeer

6.

Adieu mijn vader ende moeder

 

Ende mijn ioncste susterkijn

 

Jck wil gaen ter linden groene

 

daer leyt die alder liefste mijn

7.

Die dit liedeken dichte

 

Dat was een ruyter fijn

 

Sinen buydel was seer lichte

 

daer om drinct hi selden wijn