Horae Belgicae


LXVIII. ¶ Een nyeu liedeken. 1.[regelnummer] HEt voer een lantsknecht spaceren So verre aen ghenen rijn Wat vant hi aen gheender heyden Een maechdeken met witte cleyden Hi groetese seer vriendelijck 2.[regelnummer] Hi badt haer also seere Al om een slapen bi. Si sprac van herten geerne Du bist mijn morghen sterre Och lief slaept desen nacht bi mi 3.[regelnummer] Den dach quam ten eynde Ontrent der vespertijt Die lantsknecht quam daer ghegangen Met sinen rooden wanghen Si hiet hem gods willecom zijn 4.[regelnummer] Hi spreyde sinen mantel Al in dat groene gras. Si speelden een spel van goeden Die dochter die weckte haer moeder Och lieue dochter hoe wect ghi mi. 5.[regelnummer] Ende soude ic v niet wecken Ghi en slaept noch niet so vast Mijn decksels zijn mi ontuallen Jck moetse wederom langhen Och lieue moeder nv slaept bi mi
[pagina 103]
6.[regelnummer] die dechsels die v ontuallen zijn Dat is den goet wille dijn Ghi hebt hem in ghelaten Den lantsknecht al vander straten Och den alder liefste dijn 7.[regelnummer] Dat ic hem in ghelaten heb den alder liefste mijn Dat moet ic nv misghelden Met vloecken ende met schelden Jck arm bruyn maechdelijn 8.[regelnummer] Die ons dit nyeuwe liedeken sanck Heuet so wel ghesonghen Hi is van dier natueren Hi slaept so gaerne bi vrouwen luyden Och men vint der lantsknechten so veel.