Horae Belgicae


LXIX. ¶ Een oudt liedeken 1.[regelnummer] HEt wayt een windeken coel wten oosten. Hoe lustelijc staet dat groene wout Die vogelkens singen wie sal mi troosten. Vrouwen ghepeyns is menichfout 2.[regelnummer] Jc wil mi seluen eens gaen vermeyden Al daer die liefste te woonen plach Ende dencken om den tijt voorleden God gheue die liefste goeden dach 3.[regelnummer] Jc was een clercxken ic lach ter scholen. Den rechten wech hebbe ic ghemist Schoon ionghe vrouwen doen mi dolen. Weder te keeren dat dunct mi best 4.[regelnummer] Dit heffe ic op dat wil ic vaten Al om een die alder liefste mijn Drincke ic mi droncken, drinct ghi bi maten dat v misquame dat waer mi leedt.
[pagina 104]
5.[regelnummer] Noch weet ick een liefken wtuercoren. daer waer ic also gaerne bi. Wat icse minne tis al verloren Crancken troost so gheeft si mi 6.[regelnummer] Al op den hoeck van deser straten. daer woont so properen meysken fijn Daer sal ick noch eenen nacht bi slapen Ost craey en salder gheen voghel zijn 7.[regelnummer] Rijck god mach ic den dach noch leuen dat si mi minde ende ic haer niet. So soude mijn herteken in vruechden leuen Dat nv leyt in swaer verdriet 8.[regelnummer] Nv is dit lot op mi gheuallen Daer ick een cansse af wachten moet Ay lacen ic en heb gheenen troost met allen. Niet dan altijt druc ende teghenspoet