Horae Belgicae



[pagina 101]
LXVII. ¶ Van fier Margrietken 1.[regelnummer] HEt soude een fier Margrietelijn Ghister auont spade Met haren canneken gaen om wijn Si was daer toe verraden 2.[regelnummer] Wat vantse in haren weghe staen Eenen ruyter stille Nv segt mi sier margrietelijn doet nv mijnen wille, ia wille 3.[regelnummer] Vwen wille en doen ic niet Mijn moerken soude mi schelden Storte ic dan mijnen coelen wijn Alleyne soude ic hem ghelden 4.[regelnummer] En sorghet niet voor den coelen wijn Mer sorghet voor v seluen. Die waert is onser beyder vrient Hi sal ons noch wel borghen 5.[regelnummer] Hi namse in sinen witten armen Heymelick al stille Al in een duyster camerken Daer schaste hi doe sinen wille 6.[regelnummer] Smorgens ontrent der middernacht Si ghinc haer kanneken soecken Daer lach die moeyaert ende hi loech Het staet daer teynden mijn voeten 7.[regelnummer] Mer dat daer teynden v voeten staet Dat sal v noch lange berouwen Jc hebbe noch drie ghebroeders stout Si sullen v dat hooft af houwen 8.[regelnummer] Alle v ghebroeders stout Die sette ick in mijn deeren Jck sal alle dese somer lanck Met Grietken houden mijn scheeren 9.[regelnummer] Ende hi nam eenen snee witten bal Hi stackse al in haer kele
[pagina 102]
Hi schootse tot eenderen veynsteren Hi schootse al in die dijle 10.[regelnummer] Teghen stroom quam si gedreuen wt Aen sint Jans cappelle Dat sach so menich fijn edel man So menich ionc gheselle, ia gheselle