Horae Belgicae



[pagina 77]
LIII. ¶ Een amoreus liedeken 1.[regelnummer] GHestadighe minne draghe ic altijt Dies lijdt mijn herte pijn Mocht ic noch zijn van haer verblijt Hoe vrolijc soude ick zijn Tot haer soude ick mi keeren Gheen ander lief begheeren Want si is die alder liefste mijn 2.[regelnummer] Jst niet een druckelijc leuen Te deruen die ick minne Jck hadder mi toe begheuen Jc en was niet dan een kint Jc dedet in corter vren dat ick langhe moet besueren Eylaes ick was so seer verblint 3.[regelnummer] Doen ick laeste met ooghen aensach die mijn herteken heeft beuaen Doen was ic vrolijc nacht ende dach Ende nv ist al ghedaen Van haer ben ic gescheyden Alle druck moet ic verbeyden Jck mach wel truerich gaen 4.[regelnummer] Mijn schip is mi ontdreuen Minen ancker en leit niet vast Mijn lief heeft mi begeuen Recht als een onwaert gast Eylaes this buyten minen. schulden. Nochtans moet ic mi verdulden Al in myn hert lijde ic verdriet 5.[regelnummer] Die dit liet heeft ghestelt Dat was een ruyter van droefheyt Sijn lief is hem onthelt This haest genoech gheseyt eylaes van haer is hi gesceiden
[pagina 78]
Allen druck moet hi verbeyden. Js hi niet genoech ghequelt