Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende LII. ¶ Een nyeu liedeken. 1.[regelnummer] GHi ruyters gesellen van auontueren die gaerne sitten op den wijnbanc Wi ligghen ghesloten tusschen mueren Van fortuynen zijn wij so cranc Een verrader ons daer toe dwanc Met schoone woorden hebben si ons geuaen Den tijt sal keeren eer yet lanc dat wi te Brugghe op strate sullen gaen 2.[regelnummer] Quade tonghen soudent gaerne keeren dat wi souden laten Vlaenderen soet [pagina 76] [p. 76] Men sal altoos goede ghildekens eeren Ende maken altijt eenen moet Mer die besmet is van Judas bloet Die schieten altijt haer fenijn Elc wachter hem voor siet wat hi doet This so quaet gheuanghen te zijn 3.[regelnummer] Al ligghen wi nv in dit perket Wi sullender noch eens wtraken Wi zijn gheuanghen al teghen die wet Dat deden ons des heeren knapen Vijf woluen quamen daer om twee schapen. Si en hadden daer op niet gedacht Si souden haren broeder ontschaken Al om te betalen haer pacht 4.[regelnummer] Nv bidde ick alle ruyters fijn Dat si hem willen wachten Voor quade tonghen gheen argher fenijn Si schieten bi daghe ende ooc bi nachte Si hebben so menigherhande gedachte Eer si strijcken haren staert. Ghi ruyters ghesellen hoort mijn clachte. Want si is wel hoorens waert 5.[regelnummer] Die dit liedeken heeft gestelt Van Mechelen is hi gheboren Jn sinen buydel en hout hi gheen ghelt Hi gheuet gaerne al te voren Schoone vrouwen heeft hi wtuercoren Die staen so vaste int herte claer Schenct den wijn en laet niet trueren Het coemt alleleens ouer hondert iaer Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd