Horae Belgicae

XXII.
¶ Een nyeu liedeken.

DAer soude haer een maget vermeyden
Vermeyden so woude si gaen
Roode rooskens wou si plucken
Die aen der heyden staen
Wat vant si in haren wege
Een wel gheboren man
Hi tooch haer wt haer cleeder
Die maget wert so gram
Nv gheuet mi myn cleyder
Och wel gheboren man
Jck schaems my also seere
Dat ic hier naect sal staen.
Data uwe boute cleyder
En crijchdi waerlijc niet.

[p. 31]

 

V eere suldy hier laten

 

Eer ghi van mi schiet

5.

Sal ic mijn eere hier laten

 

Och wel gheboren man

 

Naect was ic gheboren.

 

Jc en had geen cleyderen an.

6.

Hi nam die schoone maget

 

Al bider witter hant

 

Hi leydese onder die linde

 

Die hi so schoone vant

7.

Doen die hubsche ridder

 

Sijn willecken hadde gedaen.

 

Hi seyde staet op ioncfrouwe

 

Ghi moecht wel tuiswaert gaen

8.

Waer sal ic henen keren

 

Waer sal ic henen gaen

 

Hadt ghi mi maecht gelaten

 

Ghi hadt veel badt gedaen

9.

Hi streec van sinen handen

 

Van goude een vingherlijn

 

Hout dat schoon ioncfrouwe.

 

Daer is die trouwe mijn

10.

Wat gaf hy haer te loone

 

Tot haren nieuwen iaer.

 

Een kindeken inder wiegen

 

Met sinen gecrolden hayr

11.

Jst dan een knechtken

 

Een goelijck knapelkijn

 

Dat willen wi leeren schieten

 

Al na die cleyne vogelkijn

12.

Jst dan een maechdekijn.

 

Een goelijc maechdelijn.

 

Dat willen wi leeren breyden

 

Van peerlen een cranselijn.

13.

Dye dit liet heeft ghedicht.

 

Dat was een ruyter fijn.

[p. 32]

 

Hi heuet wel gesongen.

 

Al om die liefste zijn