Horae Belgicae

XXI.
Een oudt liedeken

DJe voghelkens inder wilder heyden
Si hebbent so wel ghesonghen.
Jck ben van mijnen soeten lieue
So ruyterlijcken gedrongen
Si meynt dat ick haer eyghen ben
Ende is si dan niet slechte
Jck en mach niet meer ter molen gaen.
Hillen billen metten iongen knechten
stampt stamperken stampt, stampt hoerekint stampt
Stampt stamperkin inde molen.
Jc en can mi voor dese ionge gesellen niet gehoeden
Ende dan so coemt dat oude wijf
Si wil daer omme verwoeden
Om dat si dat niet gemaken en can
Daer omme so wil si vechten
Jck en mach niet meer ter molen gaen
Hillen billen metten ionghen knechten
Stampt stamperken stampt, stampt. .
Stampt stamperken inde molen.
Die een goede nieuwe molen heeft
Och hoe wel mach hijse malen.

[p. 30]

 

Wanneer hijse wel ghemalen heeft

 

So leyt si wel also stillen

 

Den oppersten steen die gaet of

 

Den ondersten blijft in zijn rechten

 

Jck en mach niet meer ter molen gaen.

 

Hillen billen metten ionghen knechten

 

Stampt stamperken stampt stampt. .

 

Stampt stamperken inde molen.

4.

Hi nam dat meysken bider hant

 

Hi leydese aen die steene

 

Hi steldese op dat cuypen boort

 

Hi haddese daer alleene

 

Dat een been stelde hi op den sack

 

Dat ander been al op die lechte.

 

Jck en mach niet meer ter molen gaen

 

Hillen billen metten ionghen knechten

 

Stampt stamperken stampt, stampt. .

 

Stampt stamperken stampt inde molen.