Horae Belgicae

XXIII.
¶ Van vrou van Lutsenborch

DJe mi te drincken gaue
Jc songhe hem een nieuwe liet.
Al van myn vrouwe van Lutsenborch
Hoe si haren lantsheere verriet
Si dede een briefken scrijuen
So veere in Gulcker landt
Tot Frederic haren boele
Dat hi soude comen int lant.
Hi sprac tot sinen knapen
Nv sadelt mi mijn paert.
Tot Lutsenborch wil ic rijden
Het is mi wel rijdens waert
Als hi te Lutsenborch quam
Al voor dat hooge huys
Daer lach de valsce vrouwe
Tot haerder tinnen wt
Hi sprac god groet v vrouwe
god geue v goeden dach
Waer is myn here van Lutsenborch
Dien ic te dienen plach.
Jc en derfs v niet wel seggen
Jc en wil v niet verraen.
Hi is heden morghen
Met sinen honden wt iaghen ghegaen
Hi reedt heden morghen
Al in dat soete dal
En daer suldi hem vinden
Met sinen hondekens al
Hi sprack tot sinen knape
Nv sadelt mi mijn paert

[p. 33]

 

Ten dale waerts wil ic rijden.

 

het is mi wel ridens waert

9.

Als hi bider iachten quam

 

Al in dat soete dal

 

Daer lach die edel heere

 

Met sinen hondekens al

10.

Hi sprac god groet v heere

 

God gheue v goeden dach

 

Ghi en sult niet langer leuen

 

Dan desen haluen dach

11.

Sal ick niet langher leuen

 

Dan heden desen dach

 

So mach ict wel beclaghen

 

Dat ic oyt mijn vrou aensach

12.

Hi sprac tot sinen knape

 

Spant uwen boghe goet

 

ende schiet myn here van Lutsenborch

 

Jn zijns berten bloet

13.

Waerom soude ic hem scieten

 

Waerom soude ick hem slaen

 

Jck hebbe wel seuen iaer

 

Tot zijnder tafelen ghegaen

14.

Hebdy wel seuen iaren

 

Tot zijnder tafelen ghegaen.

 

So en dorfdi hem niet schieten

 

Noch niet ter doot slaen

15.

Hi tooch wt zijnder scheyden

 

een mes van stale goet

 

Hi stac mijn here van Lutsenborch

 

Jn zijns herten bloet

16.

Hi sprac tot sinen knape.

 

Nv sadelt mi mijn paert

 

Tot Lutsenborch wil ic riden

 

het is mi wel rijdens waert

17.

Als hi te Lutsenborch quam

 

Al voor dat hooghe huys.

[p. 34]

 

Daer quam de valsce vrouwe

 

Van haerder tinnen wt

18.

Vrou god seghen v vrouwe

 

God gheue v goeden dach.

 

Vwen wille is bedreuen

 

V verraderie is volbracht

19.

Js mijnen wille bedreuen

 

Hebdi mijnen sin volbracht

 

So doet mi sulcken teyken

 

Dat ic daer aen gelouen mach

20.

Hi troc wt sijnder scheyden.

 

Een swaert van bloede root

 

siet daer ghi valsce vrouwe

 

Ws edel lantsheeren doot

22.

Si trock van haren halse

 

Van peerlen een cranselijn

 

Hout daer myn liefste boele

 

Daer is die trouwe van mijn

23.

Vwe trouwe en wil ic niet

 

Jc en wille niet ontfaen

 

Ghi mocht mi ooc verraen

 

Ghelijc ghi uwen lantshere hebt ghedaen

24.

Hi troc wt zijnder mouwen

 

Een siden snoerken fijn.

 

hout daer ghi valse vrouwe

 

Ghi sulter bi bedrogen zijn

25.

Te Lutsenborch op de mueren

 

Daer loopt een water claer

 

Daer sit vrou van Lutzenborch

 

int heymelic ende int openbaer