Horae Belgicae


XVIII. Een amoreus liedeken. 1.[regelnummer] DAt ick om een schoon beelde soet dus langhe moet vertrueren daer noeyt en was dan liefde goet Noch en heeft geweest myns leuens dueren
[pagina 25]
door nijders cueren is mi ghesciet Voor een cleyn vruecht so menich verdriet 2.[regelnummer] Haer aenschijn claer gheeft mi confoort Als ic aensie die schoonste figure daer is een ander veel badt ghelooft. Si sluyt mi buyten der dueren Si gheeft mi cuere als si mi siet Voor een cleyn vruecht so menich verdriet 3.[regelnummer] O Venus v claghe ick mijnen noot dat ic mijn soete liefken moet deruen Een cusken aen haer mondeken root een troostelijc woort laet mi verweruen. dat ick moet steruen mijnen druck aensiet Voor een cleyn vruecht so menich verdriet 4.[regelnummer] Nv rade ick elcken amoreus dat hi zijn lieueken nyet en vergramme. Haer wesen is so coragius Spreect een woort doecht schoon lief wat di misquame. Wacht v van blame quade nijders tongen vliet Voor een cleyn vruecht so menich verdriet.