Horae Belgicae


XIX. ¶ Een nyeu liedeken. 1.[regelnummer] DEn dach en wil niet verborghen zijn Het is schoon dach dat duncket mi Mer wie verborghen heeft zijn lief Hoe noode ist dat si scheyden 2.[regelnummer] Wachter nv laet v schimpen zijn Ende laet hi slapen die alder liefste mijn een vingerlinck root sal ic v schincken. Wildy den dach niet melden 3.[regelnummer] Och melt hem niet rampsalich wijf Het gaet den iongelinck aen zijn lijf Hebdy den schilt ick hebbe die speyr daer mede maect v van heyr.
[pagina 26]
4.[regelnummer] Die ionghelinck sliep ende hi ontspranck. Die liefste hi in zijn armen nam En latet v niet so na ter herten gaen Jck come noch tauont weder 5.[regelnummer] Die ionghelinck op zijn vale ros tradt Die vrouwe op hooger tinnen lach. Si sach so verre noortuwaert inne Den dach door die wolcken op dringhen 6.[regelnummer] Had ick den slotel vanden daghe Jc weerpen in gheender wilder masen Oft vander masen tot inden rijn Al en soude hi nemmeer vonden zijn