Horae Belgicae



[pagina 19]
XIV. ¶ Een nyeu liedeken. 1.[regelnummer] COnfoort confoort sonder verdrach. Mijn liefste boel verborghen Jc segge vry ten is noch gheen dach. Ten is noch gheenen morghen 2.[regelnummer] Die wachter singhet zijn daghelijcx liet Hi can zijn tonghe wel bedwinghen Coemt in huys mijn soete lief Wi twee wi sullen noch genoechte beginnen 3.[regelnummer] Si leyde hem op haer borstkens ront daer op so ghinck hi ligghen rusten Si seyde schoon lief mijn waerde mont Wat dinghe mach v lusten 4.[regelnummer] Si leyde hem in haer armkens vry Van vruechden began therte ontspringhen Bedect mijn eere, dat bidde ick dy Bedect mijn eere lief bouen alle dinghen 5.[regelnummer] Dat bidde ick v o liefste mijn die alderliefste suldi blijuen daer twee goede lieuekens vergadert zijn Hoe noode laten si hem verdrijuen 6.[regelnummer] Waer mi Virgilius conste cont den lichten dach soude ic vertrecken Ende mijns liefs witte borstkens ront daer mede sal ick vruecht verwecken. 7.[regelnummer] Ay lacen neen ick niet den dach die coemt, ick moet vertrecken Lief van mi vliet, lief van mi vliet dat ons die nijders niet en beghecken 8.[regelnummer] Die ons dit liedeken eerstwerf sanck Vrou venus liefde hem seer quelde Hi was geerne op vruechden banck daer hi hem wel toe stelde