Horae Belgicae



[pagina 18]
XIII. ¶ Een oudt liedeken 1.[regelnummer] BJstu een crijgher oft bistu een boer Hoe siedy wt uwer cappen so soer Wildy een crijschman zijn So neemt vijfhondert gulden met v den crijch sal ic v leeren 2.[regelnummer] Hansken swoer eenen dieren eet Al waert mijn vader ende moeder leet Den crijch en sal ic niet laten Jc wil gaen ruyten, rouen stichten brant. Al op des heeren straten 3.[regelnummer] Hansken dede zijns selfs raet Hi vercocht caf ende hauersaet Hi woude al na den crijghe Corte cleyderen dede hi aen Al na die ruytersche ghijse 4.[regelnummer] Hi clopte voor een schipmans dore Bistu daer binnen so coemter vore Ende voert mi ouer twater Jc ben een rijck boermans sone Den crijch en can ic niet gelaten 5.[regelnummer] Die schipper was een goet gesel Hy voerde hem ouert water snel Dat water was ongeduere Rijck god waer ic tsoheyme gebleuen Jn mijns vaders schuere 6.[regelnummer] Doen hansken quam ter haluer zee Sijn hooft dede hem so wee den coop was hem berouwen Rijck god waer ick tsoheyme ghebleuen Mijn vaders acker woude ick bouwen 7.[regelnummer] Doen Hansken ouer dat water quam Een scram in sinen beck dat hi vernam Doen wast hem seer berouwen Hadde ick den ploechsteert metter hant Mijns vaders acker soude ick wel bouwen