Horae Belgicae



[pagina 17]
XII. ¶ Een oudt liedeken 1.[regelnummer] ADieu Antwerpen ghenoechlijc pleyn. Van v so moet ick scheyden Jc laet daer in tliefste greyn God wil mijn boel geleyden 2.[regelnummer] Als ic wten lande varen moet Al binnen den eersten iaer. Hoe dic verwandelt myn bloet Jc sterue een martelaer 3.[regelnummer] Als ick vaer ouer die zee. Van rouwe wil ic steruen dat doet mijn ionc herte wee. Jck sal te male bederuen 4.[regelnummer] Och venus vrouwe voeret mijnen schilt Aen v roepe ick ghenade Helpt mi dat ick mijn boel ghewin Ende staet mi nv te stade 5.[regelnummer] Dat iaer is lanck, mijn loon is cranck Mijn hope heb ic verloren Had ic mijn boel bider hant Geen goet en core ic daer voren 6.[regelnummer] Och lacen si en acht niet meer op mi des lijdt myn herte rouwe Si heeft een ander lieuer dan mi Si was mi noyt ghetrouwe 7.[regelnummer] Die dit liedeken heeft gbedicht Hi heuet wel ghesongen Ter eeren van zijn soete lief God sceyn der nijders tonghen