Horae Belgicae (1968)

Horae Belgicae

(1968)–A.H. Hoffmann von Fallersleben– rechtenstatus

Auteursrechtelijk beschermd

Vorige Volgende



[pagina 20]
XV. ¶ Een nyeu liedeken van Claes molenaer 1.[regelnummer] CLaes molenaer en zijn minneken Si saten te samen al inden wijn Van minnen wast dat si spraken 2.[regelnummer] Och heyle wel lieue heyle mijn die valsche tonghen die wroeghen mi Jck sorghe si sullen mi dooden 3.[regelnummer] Een corte wijle en was daer niet lanck daer werden boden om claes molenaer gesant Dat hi voor die heeren soude comen 4.[regelnummer] Als claes molenaer voor die heren quam Die heeren ghinghen in rade staen Hoe wee was hem te moede 5.[regelnummer] Claes molenaer een sake die wi v vraghen Die bonte cleederen die ghi draghet Moechdijse wel draghen met eeren. 6.[regelnummer] Dese bonte cleyderen die ick draghe die gaf mi een so schoonen maghet Si salder mi wel gheuen meere 7.[regelnummer] Si gauen hem penninghen in zijn hant Claes molenaer ghi moet gaen rumen tlant Bruynswijck moet ghi nv laten 8.[regelnummer] Adieu Bruynswijck adieu mijn lant Adieu mijns herten een vergulden pant Jck come daer noch tauont slapen 9.[regelnummer] Die valsche tonghe verhoorden dat si volchden claes molenaer tot op sinen stap Ende brochten hem tsauonts geuangen. 10.[regelnummer] Als hi te Bruynswijck binnen quam hoe weenden die vrouwen hoe loegen de mans Hoe wee was hem te moede 11.[regelnummer] Mer weet ghi wat claes molenaer sprac als hi daer voor die heeren tradt Met sinen lachenden monde
[pagina 21]
12.[regelnummer] Heer schoutert ghi hebt drie dochterkijn Ghi meynt datse alle drie maechden zijn Mer lacen si en zijn gheen van allen 13.[regelnummer] Die eene dat is mijn minnekin die ander draecht van mi een kindekijn Ende bi die derde hebbe ic geslapen 14.[regelnummer] Heer schoutert en treckes v niet an Hi spreect als een verwesen man Hi en weet niet wat hi clappet 15.[regelnummer] Mer weet ghi wat claes molenaer sprac Als hi al op die leeder tradt Met sinen verbonden ooghen. 16.[regelnummer] Jn alle Bruyningen en staet niet een huys Daer en gaet een ionge Claes molenaer wt Oft een vrou molenarinne 17.[regelnummer] Claes molenaer nv laet v clappen staen. En dede v clappen ghi wares ontgaen Mer nv moet ghi ymmers hangen.

Vorige Volgende