Horae Belgicae

[p. 242]

¶ Nr. 121.
Dit is die molen
van der hoochtijt te midwinter.

Ene mole ic bouwen wil,
here god, wistic waer mede,
had ic hout gherede
ende wiste waer van,
dan so woudic houwen an.

Te houte wil ic varen heen,
dat wout en is mi niet verne.
hulpe had ic gherne
die wisten wel
hoe men bomen vellen sel.

Dat wout dat heitet Libanus,
daer wassen cedrus schiere,
cypressen in de rivieren
ende palmen stout,
oliva dat wel nutte hout.

Och meister hooch, van consten rijc,
du moghes mi sinne gheven:
houwen, snoeijen ende even
ende voeghen dat slicht,
so wort die molen wel bericht.

Moyses nu wees du daer bi!
den oversten steen berichte,
dat hi ligghe dichte!
so draghet hi swaer,
die oude ewe mein ic daer.

Die niewe ewe, den oversten steen,
den legghe ic op den ouden,
dat hi lope boude
nae meisters const,
den drivet des heilighen gheistes gonst.

[p. 243]

7.

Jeronimus, Ambrosius,

 

Gregorius, Augustinus,

 

bewaert ghi ons die molen

 

ende dat camrat,

 

mit cammen wel berichtet dat!

 

 

8.

Ghi tweelf apostelen, gaet hier voor,

 

maket ghi die molen gaende,

 

dat si niet en blive staende!

 

ghi sijt ghesant

 

te malen over al dat lant.

 

 

9.

Geon, Phison, Eufrates,

 

Tigris, ghi vloeden viere,

 

ghi edel stoute rivieren,

 

ghi hebt waters ghenoech,

 

ghevet der molen haer ghevoech!

 

 

10.

Een joncfrouwe had een sackelkijn

 

mit weite wel ghebonden,

 

al totter selver stonden

 

ter molen quam,

 

een prophete dat vernam.

 

 

11.

Isaias langhe te voren hadde daer

 

ooc veel van gheschreven,

 

hoe ons werde ghegheven

 

een joncfrouwe waert,

 

die eens kindes hadde ghebaert.

 

 

12.

Sijn naem die is Emanuel,

 

den sulle wi alle loven,

 

goetlic van hier boven

 

hier tot ons quam,

 

des vrouwen sich vrouwen ende man.

 

 

13.

Der ander propheten is so veel

 

die daer van hebben ghesonghen,

 

het is ooc wel ghelonghen

 

ende vollenbracht,

 

dat schach tot eenre middernacht.

[p. 244]

14.

Doe die nacht die corte nam,

 

die dach ontfinc die lenghe,

 

der duusternisse dwenghe

 

een einde nam:

 

och god des bistu lovesam!

 

 

15.

Die dijnre so langhe ghebeidet hadden,

 

den quamestu so saehte.

 

der vrouden sullen wi becrachten

 

ende wesen des wis,

 

dat godes soon gheboren is.

 

 

16.

Ghi ewangelisten alle vier,

 

ghi moghet daer wel op crachten,

 

dat ghi wiselike wachten

 

dat sackelkijn,

 

dat u bracht een jonfer fijn.

 

 

17.

Mattheus, rijt op den sac,

 

ghiet op in godes namen

 

ende leert ons altesamen!

 

du biste gheleert,

 

hoe godes soon mensche wert.

 

 

18.

Lucas, rijt den sac ontwee,

 

ghiet op die molen, laet wriven!

 

du canste ons wel beschriven

 

dat offer groot,

 

hoe godes soon leet den doot.

 

 

19.

Marcus, sterke lewe fijn,

 

ghiet op die molen, laet schroden,

 

hoe god opstont van den dode,

 

hoe dat geschach,

 

dat riepestu aen den eersten nacht.

 

 

20.

Johannes, een aern van hogher vlucht,

 

du canste ons wel gheleren

 

die hemelvaert ons heren

 

al openbaer,

 

help ons dat wi comen daer!

[p. 245]

21.

Die molen gaet, si is bereit:

 

die nu so willen malen

 

die sullen daer wel halen

 

haer coornken rein,

 

so wordet hem ghemalen clein.

 

 

22.

Pawes, keiser, prediker,

 

waert ghi die molen even,

 

dat si moghe gheven

 

mele ende mout,

 

daer van so wort u rike stout.

 

 

23.

Die sine sele spisen wil,

 

die sal sich hier nae snellen,

 

tot deser molen stellen,

 

hi is des wijs,

 

si malet ende molftert niet.

 

 

24.

Die dese molen ghebouwet heeft,

 

den moet god gheleiden,

 

wanneer hi van hier sals cheiden,

 

in enghels wijs

 

so voer hem god in dat paradijs!

B. 75. - Hs. 1, 2. wostic - 1, 4. woste - 3, 3. ende (in de) - 7, 4. kamer raet - 9, 1. Ghigon - 14, 2. lengde - 14, 3. dwynge - 15, 4. wys - 17, 1. siet du (rijt) - 23, 3. vellen (stellen).

Auch niederdeutsch vorhanden: Offenes Druckblatt in Folio ‘Dat moelen leeth.’ Nach Lisch's Geschichte der Buchdruckerkunst in Mecklenburg bis zum J. 1540 (Schwerin 1839.) S. 161: ein Druck von Ludwig Dietz in Rostock um 1520. Darnach bei Uhland, Volkslieder Nr. 344. Die Uebereinstimmung des niederl. u. niederdeutschen Textes ist sehr groß, nur einige Strophen sind in jenem versetzt. Der niederd. möchte wol der ursprüngliche sein, er hat z.B. folgende bessere Lesarten: 7, 2. 3. Gregorius, Augustine, vorwachtet uns de rine - 22, 5. dâr van kryge wy ryken solt.

Hochdeutsch: ‘Bergkreyen’ Nr. 6. Vgl. Mone Anzeiger 8, 359, Wolff, Samml. hist. Volkslieder S. 75-78. - Jac. Grimm, Gött. gel. Anzeigen 1832. S. 1382 bemerkt dazu: ‘Es war schon vor der Reformationszeit vorhanden; im Jahre 1552 veranstaltete Johan Winnigstedte, Pfarher zu Quedlinburg, einen vor uns liegenden besondern Abdruck aus einer zu Corvey vorgefundenen alten Abschrift.’