Horae Belgicae

[p. 216]

¶ Nr. 109.
Nae groenre verwe mijn hert verlanct.^*)

Brugman.

Ic heb ghejaecht mijn leven lanc
al om een joncfrou schone,
die alresoetste wijngaertranc
al in des hemels trone.
mit enghelen is si om beset,
ic en can daer niet bi comen,
mijn sonden hebbent mi belet,
des ic mi mach bedroeven.

Ic bin verdoolt op deser jacht,
die werelt heeft mi gheloghen.
ghenoechte heb ic seer gheacht,
in wanen bin ic bedroghen.
rijcheit ende lof hebbic ghemint
ende idelheit uutvercoren.
int jaghen bin ic dus verblint,
den wech heb ic verloren.

Ic wil opstaen, tis meer dan tijt,
ende soeken hem alleine,
der joncfrou soon diet al verblijt,
Jesus ist dien ic meine.
hi is den wech als men verclaert,
ic wil mi tot hem keren,
den rechten wech ter joncfrou waert
mach ic noch aen hem leren.

O Jesu heer, nu biddic di
uut al mijns herten gronde,
van sonden wilt mi maken vri
dats nu ende tallen stonden!

*) In B. Dit is die wise:
Adieu mijn lief, hebt goeden nacht,
dat moet een scheiden sijn.

[p. 217]

 

doet mi die pure moeder dijn

 

mit suverheit aenschouwen,

 

door haer wilt mijns ghenadich sijn!

 

ic wil haer dienen mit trouwen.

 

 

5.

Der enghelen vroocht, wilt op mi slaen

 

dijn ontfermhertighe oghen!

 

ic heb u grotelic misdaen,

 

des is mijn hert in doghen.

 

ghi sijt des sondaers toeverlaet

 

ende troostersche der armen,

 

ghi sijt die gheen daert al aen staet:

 

wilt mijns doch nu ontfarmen!

 

 

6.

Mijn vrienden, maghen ende schat

 

die sullen mi beswiken,

 

die scriftuur bewijst wel dat:

 

ic moet alleine gaen striken.

 

o moeder gods, daer om wilt staen

 

bi mi als ic sel sterven,

 

want ic moet loon naet werc ontfaen,

 

wilt mi ghenade verwerven!

 

 

7.

Die dit liedekijn eerstwerf sanc

 

is seer ghequetst van binnen;

 

sijn vleisch heeft hem ghemaect so cranc,

 

dat hi is flau van minnen.

 

o Jesus, die dranc den bitteren dranc

 

aent cruus om smenschen wille,

 

behoede ons van der hellen stanc

 

ende van des duvels quelle!

A. 35. B. 8. Schon Hor. belg. 2. 39. A. Hs. 1. 4. die daer is in shemels t. - 3, 3 des joncfrous soon - 4, 2. hartzen - 7, 3. also (so cranc) - 7, 5. die fehlt. B. Hs. 1, 5. wel omset - 1, 8. des mach ic mi b. - 2, 7. verleit (verblint) - 3, 2. haer (hem) - 3, 3. die joncfrouwe schoon - 3, 4. Maria is die ic meine - 3, 5. si is een wech - 3, 6. tot haer - 3, 7. ten hemelrijc (ter joncfrou waert) - 3, 8. aen haer (aen hem) - 5, 1. vroocht (macht) - 5, 2. ende dijn ontfermighe oghen - 5. 6. ende ooc een troosterinna - 5, 7. door haer wilt mi ghenadich sijn - 5, 8. als ic sal scheiden van henc - 6, 1. staet (schat) - 6. 2. si willen mi beswiken. - 7. fehlt.