Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende ¶ Nr. 108. Dit is die wise: Mit vrouden wille wi singhen, schoon boelken bi der hant, van drien...... 1.[regelnummer] Mit vrouden wille wi singhen ende loven drievoudicheit, dat si ons wille bringhen ter hoochster salicheit, die ewelic sal duren, och ewelic sonder verganc. och mocht ons dat gheburen! och ewelic is so lanc! 2.[regelnummer] Och levede wi nae tghelove mer als wi leven souden, ende dienden altijt gode ende onser liever vrouwen! als wi die sonden laten, si wetent ons groten danc, si danken ons boven maten. och ewelic is so lanc! 3.[regelnummer] Die blischap sonder ende hier boven in hemelrijc, [pagina 215] [p. 215] die wi daer sullen vinden, si en ghevet ons gheen ghelijc. dat is dat godelike wesen, het schenket ons bliden dranc, als ic heb horen lesen: och ewelic is so lanc! 4.[regelnummer] Maria die moeder godes, si is van ons verblijt, als wi ons bekeren in deser armer tijt. Maria maghet reine, schoon suver wijngaertsranc, bidt voor ons ghemeine! och ewelic is so lanc! 5.[regelnummer] Die heilighen alle gader, si driven so groten feest, si loven god den vader, den soon, den heilighen gheest. als wi die sonden laten, si wetens ons groten danc, si danken ons boven maten: och ewelic is so lanc! 6.[regelnummer] Die enghelen menichvoldich, si maken ons blide seer. des laet ons sijn verduldich, dat ghelt ons even duur, so moghen wi vercrighen der soeter enghelen sanc nu ende tot allen tiden: och ewelic is so lanc! 7.[regelnummer] Nu laet ons dienen gode, dat rade ic jonc ende out, ende houden sine ghebode ende danken hem menichfout, dat hi ons wil beschermen al voor der hellen stanc ende voor dat ewelike kermen. och ewelic is so lanc! Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd