Horae Belgicae


¶ Nr. 100. 1.[regelnummer] Het is goet in Jesus taverne te gaen, betalen is daer afgedaen, dat is ons seer ghenaem. Hebt Jesus lief, hebt Jesus lief, hebt Jesus lief ende laet die werelt, tis tijt! 2.[regelnummer] Wie is die man, die niet en can in Jesus kelre te wijn te gaen? Hebt Jesus lief cet.
[pagina 198]
3.[regelnummer] Heer Jesus weert, schenket ons den wijn al uut den milden herten dijn, ghi hebten so wel betaelt al mitter soeter minnen dijn! 4.[regelnummer] Laet ons daer mede ghedachtich sijn! al hebbe wi langhe ghedwaelt, du heefst voor ons so minlic betaelt, wi moghen mit vrouden wel gaen tot di. Hebt Jesus lief cet. 5.[regelnummer] Gaet voort, weerdinne, past ons een ghelach! wi hebben ghesondighet so menighen dach, dat laten waer wel tijt. Hebt Jesus lief cet. 6.[regelnummer] Tsal u gheschien, sprac si mittien; hoe veel het si, ic nemet op mi. Hebt Jesus lief cet. 7.[regelnummer] Wi willen gaen danken onse weerdinne, Maria die hemelsche coninghinne, die ons verbliden mach. 8.[regelnummer] Wi willen gaen drinken mit bliden sinnen in Jesus kelre mit rechter minnen ende scheiden niet van dan. 9.[regelnummer] Die ons so vriendelike hevet ontfaen, op sinen cost vri wi gaen. Hebt Jesus lief, hebt Jesus lief, hebt Jesus lief ende laet die werelt, tis tijt. B. 59. - Hs. 4, 3. hebste - 4, 4. totti 6, 2. mit dien - 8, 1. syn (sinnen) - 9, 2. so gaen wi vri.