Horae Belgicae


¶ Nr. 96. De mint dat hem sijn hoop ontgaet, die mach wel claghen; want hi mit sorghen is belast van droeven daghen. 1.[regelnummer] Sijt vrolic, het is gheworden dach, die sonne die is op gheganghen. die here die heeft ghewonnen den strijt, hi heeft verlost die ghevanghen. Nu laet ons gaen een vrolic ganc in ganser ware minne. die door is opghedaen, hi wil ons laten inne.
[pagina 193]
2.[regelnummer] Jesus min dat alrebeste goet, dat immermeer mach wesen, want minne dat lieflic herte doet allen arbeit ghenesen. Nu laet ons gaen cet. 3.[regelnummer] Ist dat wi Jesum volghen nae een corte stont in minnen, hi wil ons cronen al hier nae ende maken coninghinnen. Nu laet ons gaen cet. 4.[regelnummer] Minnen wi Jesum eenpaerlijc ende schuwen der werelt weghen, so moghen wi worden van doochden rijc ende eweliken leven. Nu laet ons gaen cet. 5.[regelnummer] Jesus min die brede straet en mach men niet verberghen. die Jesus min int herte draecht, mit vrede sal hi sterven. Nu laet ons gaen cet. A. 72. - Schon Hor. belg. 2, 25. - Hs. 2, 3. want m. doet dat l. hert - 5, 1. stat (straet) - 5, 3. hout (draecht).