Horae Belgicae


¶ Nr. 92. 1.[regelnummer] Hoghe vrouden sijn hier boven al in dor ewicheit, daer Jesus sijn uutvercoren haer stede heeft bereit. 2.[regelnummer] Jesus te behaghen, dat is al mine begheert. alle daghe daer omme te sterven, dat is hi mi wel weert. 3.[regelnummer] Wie Jesu wil behaghen, die si daer toe bereit, sijn herte ledich te maken van alre idelheit.
[pagina 183]
4.[regelnummer] Wie mit Jesus minne van binnen is omme bevaen, die mach sijn lof wel sinnen, haer schult wort af ghedaen. 5.[regelnummer] Die Jesus minne draghen, die sijn wel gheheten vroet: si hebben uutvercoren dat alrebeste goet. 6.[regelnummer] Wie suver is van herten, nae Jesus wille bereit, die moet uut minnen dalen in dieper ootmoedicheit. 7.[regelnummer] Die haren eighen willen laten ende Jesus sijn onderdaen, gheen tonghe mach uut spreken, wat loon si selen ontfaen. 8.[regelnummer] Die Jesus minne draghen, smaken den alrebesten wijn. al tijt is hare begheerte, in sinen dienste te sijn. 9.[regelnummer] Jesus aenteschouwen in siner hogher moghentheit, daer nae is mijn verlanghen, och waer mine siele bereit! 10.[regelnummer] Wat vrouden mach mi hier lusten in desen jammerliken dael! mijn herte dat lopet van binnen tot Jesus altemael. B. 87. - Hs. 3, 1. Jesu fehlt - 8, 1. draghen fehlt - 9, 3. nae fehlt.