Horae Belgicae


¶ Nr. 91. Dit is die wise: O Venus bant. 1.[regelnummer] Ic wil een vrolic liet bestaen: condic die werelt varen laen, so woudic vrolic singhen; ic soude die helsche pijn ontgaen ende ic soude ewich loon ontfaen ende horen snaren clinghen. 2.[regelnummer] Ic mach wel segghen droevich: och! die werelt en is doch niet dan droch ende al haer creaturen. ic wil mijn hertken breken daer af, al heb ic daer een weinich vrouden af, si loont mi mitten suren. 3.[regelnummer] O lieve here, wilt mi bewaren al voor die helsche duvelen scharen, si raden mi also banghe, si raden mi stille ende openbaer, si maken mi mijn hert so swaer: nae u heb ic verlanghen. 4.[regelnummer] O here, nemet mi in u behoet! als ic van hene scheiden moet, wilt u ghenade dan tonen.
[pagina 182]
ghi hebt mi minnentlic gheleit, doe ic mi selve had verleit, wilt mi nu ewich lonen. 5.[regelnummer] O here, ic vaer op u ghenade, wilt mi immer staen in staden! als ic van hene scheide, so wilt mijn arme siele ontfaen, dat si der hellen mach ontgaen: ic vaer op u gheleide. 6.[regelnummer] Die ons dit liedekijn heeft ghedicht, die heeft haer gants mit gode verplicht, si schenct dat int ghemene. si wil die werelt varen laen ende wesen Marien onderdaen ende dienen god allene. B. 22. - Hs. 3, 6. di (u) - 4, 4. verleit - 6, 2. gans.