Horae Belgicae

¶ Nr. 80.

Dit is die wise:
Goet gheselschap dat moet ic laten,
dat doet mijn budel.

Waer om so soude ic droevich wesen?
ic heb mijn lief in ewicheit,
hi en wil mi nimmermeer begheven,
selven heeft hijt mi gheseit.

Boven uter drievoudicheit
daer uut so comt ons alle goet.
daer woont mijn lief in ewicheit,
daer om bin ic dus wel ghemoet.

Waer om so soude ic cet.

[p. 164]

3.

Ic wil der valscher werelt oorlof gheven

 

ende houden mi aen minen vrient

 

ende der godeliker minnen pleghen,

 

tis recht, hi heeft des wel verdient.

 

Waer om so soude ic cet

 

 

4.

Die in sijn liden wel can verbliden,

 

mit recht so mach hi wesen vro.

 

ten is hem leider niet ghegheven,

 

och sterven dat moet helpen toe.

 

Waer om so soude ic cet.

 

 

5.

Och sterven dat moet immer wesen

 

ende ic moet immer doen also.

 

so wie wel sterven heeft gheleert,

 

mit recht so mach hi wesen vro.

 

Waer om so soude ic cet.

 

 

6.

Een straelken heeft mijn herte doorschoten,

 

dat heeft ghewont die siele mijn,

 

dat doet mi dese werelt laten

 

ende Jesus minne ghedurich sijn.

 

Waer om so soude ic cet.

 

 

7.

Die dit lietken heeft ghedicht,

 

hi wils wel wesen openbaer,

 

hi schenket allen reinen herten

 

tot enen soeten niewen jaer.

 

Waer om so soude ic cet.

 

 

8.

Waer om so soudu ic droevich wesen?

 

ic heb mijn lief in ewicheit,

 

hi en wil mi nimmermeer begheven,

 

selven heeft hijt mi gheseit.

B. 41. - Hs. 1, 4. gesecht.