Horae Belgicae

¶ Nr. 69.

Dit is die wise:
Noch is selfe dat alrebeste cruut,
dat ie ghewies in gaerden

Help rike here god, mi is so wee,
mijn herte wil mi tebreken
van rouwen ende van droevicheiden ontwee,
ic en cans niet uut ghespreken.

Het en is gheen rust in deser tijt,
verdriet dat doet mi singhen.
ic was bestricket in minen ghedachten
mit deser eertscher minnen.

Help rike here god cet.

Ic sochte solaes ende lustelicheit
in minnen der creaturen.
doe ic die waerheit overleide,
ten mochte niet ewelic duren.

Help rike here god cet.

Och bloeijende joghet vol edelheit,
siet aen mit vroeden sinnen:
si hebben so menighe teghenheit
die leven in eertscher minnen.

Help rike here god cet.

[p. 150]

5.

Comet mi te hulpen, soete lief!

 

ic bin in stride van binnen.

 

die viant lopet om mi als een dief:

 

aen u staet mijn verwinnen.

 

Help rike here god cet.

 

 

6.

Ic soude gheerne minnen dat overste goet

 

ende laten creaturen varen.

 

nu saluwet mi mijns herten bloet

 

ende breket mine nature.

 

Help rike here god cet.

 

 

7.

Ic ligghe te velde nacht ende dach,

 

mine viande willen mi deren,

 

si slaen op mi also menighen slach,

 

ic en cans niet langher gheweren.

 

Help rike here god cet.

 

 

8.

Och edele joghet, och edele joghet,

 

hoe doedi mi dus sere!

 

al breket mi mijn hert ontwee,

 

ic wil noch sterven leren.

 

Help rilce here god cet.

 

 

9.

Och droevigher hert in bliden schijn,

 

dat ic mi dicke moet vensen!

 

het is nochtans so grote pijn,

 

als een ieghelic wel mach pensen.

 

Help rike here god cet.

 

 

10.

Creaturen troost wil ic begheven

 

ende laten dat clein omt hogheste goet:

 

al stervende vindet men dat leven,

 

der doder loon is also groot.

 

Help rike here god cet.

 

 

11.

Nu wil ic sterven leren

 

ende alle dinghen varen laen

 

ende mi tot Jesum keren,

 

want rouwe hevet mijn hert omvaen.

 

Help rike here god cet.

B. 14. - Hs. 1, 1. ryker - 1, 2. toebreken - 7, 2, wille. Nach 11, 4. noch: ick wil noch steruen leren.