Horae Belgicae



[pagina 151]
¶ Nr. 70. 1.[regelnummer] Natuur, ghi moeten oorlof haen, dat merke ic aen den tiden. die in den ewighen leven sijn, die moghen hem wel verbliden. 2.[regelnummer] Die werelt is so bedrieghelijc, in haer en is ghene trouwe. die in swaren sonden leit, die mach sich wel berouwen. 3.[regelnummer] Mi ontboot een enghel goet, dat ic moeste sterven ende laten al verganclic goet in deser eerden derven. 4.[regelnummer] Ende ic ontboot hem weder, hi moest een weinich beiden, mine sonden weren also swaer, ic moeste mi noch bet bereiden. 5.[regelnummer] Doe dat aen den avont quam, natuur began te truren. wat vant si in haren weghen staen? Jesus van Nasarenen. 6.[regelnummer] Och Jesus alreliefste lief, ende waer sal ic di vinden? - dat salstu in die armoede doen ende in dat swaer ellende. - 7.[regelnummer] Ende doe si in dat ellende quam, wat gaf hi haer te lone? hi voerde si in sijns vaders lant, hi spande haer ene vergulden cronc. B. 85. - Hs. 2, 3. licht (leit).