Horae Belgicae



[pagina 111]
¶ Nr. 46. Dit is die wise: Ic sach mijn here van Vallekenstein. 1.[regelnummer] Ic wil mee ende ic wil mee, van der werelt so wil ic scheiden. heer Jesus is die liefste mijn, nae hem so wil ic beiden. 2.[regelnummer] Och edele here van hemelrijc, nemet ons in uwer ghenaden! ghi hebt ons also duur ghecoft mit uwen heilighen bloede. 3.[regelnummer] Ic sach Jesus aen den cruce staen: sal hi daer langhe aen duren, so wil ic onder den cruce gaen ende helpen Marien truren. 4.[regelnummer] Ic sach Jesus aen den cruce staen, mijn alreliefste minne: dat ic hem niet ghehelpen en can, dat breket mi mine sinne. 5.[regelnummer] Och siele, dat moet immer sijn ende ghi moet immer liden. ic leet wel drie ende dertich jaer ende al om uwen willen. 6.[regelnummer] Ic heb een heimelic vonkelkijn in minen herten ghevonden, dat verlicht die siele mijn, het quam uut Jesus wonden. 7.[regelnummer] Wanneer ic Jesus anesie mit sinen heilighen wonden, so doet mi mijn hert so wee van minnentliken wonder. 8.[regelnummer] Wel hen ende laet ons blide sijn, dat gaet nae onsen begheren. wil Jesus onse hulper sijn, so en mach ons niemant deren. B. 42.