Horae Belgicae

[p. 109]

¶ Nr. 45.

Ic sach den here van Valkestein
uut sijnre borch......

Wel heen, wel heen ende ic wil mi
van deser werelt scheiden.
heer Jesus is die liefste mijn,
nae hem so wil ic beiden. :|

Men sach Jesus van Nazareth
op enen esel riden.
die cleder waren daer onder ghespreit
ende ooc die groene risen.

Doe hi te Jerusalem binnen quam,
hoe lude dat si songhen:
o Jesu osanna Davids soon,
vergheeft ons onse sonden!

Wi bidden u heer van hemelrijc,
vergheeft ons onse misdaden
ende laet ons onse sonden quijt
ende ontfanct ons in ghenaden. -

O siel, ende dat sel also sijn,
maer ghi moet immer liden;
ic leet wel driendertich jaer
ende al om u te verbliden. -

Ic hadde en godlic vondelkijn
in minen siel ghevonden
ende dat doorstac dat herte mijn,
het quam uut Jesus wonden.

[p. 110]

7.

Daer Jesus aen den cruce hinc

 

mit sinen roden wonden,

 

dat heeft hi so minnentlike gheleden

 

ende al om onse sonden.

 

 

8.

Wi danken u here van hemelrijc

 

van uwen groten goeden:

 

ghi hebt onser alre siel verlost

 

mit uwen roden bloede.

 

 

9.

Wi willen onder den cruce gaen staen

 

ende helpen here Jesus truren.

 

hi heeft om ons so veel ghedaen,

 

het wort hem also sure.

 

 

10.

Wel op, nu laet ons vrolic sijn,

 

het gaet nae onsen begheren.

 

wil Jesus onse hulper sijn,

 

so en mach ons niemant deren.

A. 67. - Hs. 6, 1. bondekyn.