Horae Belgicae

¶ Nr. 34.

Schenct in den wijn, laet drinken vri,
wi willen truren laten...

Ave Maria, soete maecht,
ghedenct mijns vrou ter lester noot,
dat ghi die viant van mi jaecht,
want u ghenaden sijn so groot.

Maria, u lieve soete naem,
u suver waerde reinicheit
is mijnre herten seer bequaem,
ghi sijt mijn troost daert al aen steit.

Ave Maria cet.

[p. 82]

3.

U lof ic niet volprisen en can,

 

so ist wel recht dat ic des acht:

 

ghi hebt ghedraghen sonder man

 

den coninc die den hemel wracht.

 

Ave Maria cet.

 

 

4.

O suverlike wijngaertranc,

 

ghenoemt mit veelre namen schoon,

 

ontfanct mijn clein lof ende danc,

 

ende presenteertet nwen soon!

 

Ave Maria cet.

 

 

5.

Leert hem een vrolic niewe ghedicht,

 

ghi sijt sijn moeder, het is u kint,

 

hi selt ooc leren al te licht,

 

als hi daer uwen naem in vint.

 

Ave Maria cet.

 

 

6.

O gulden moeder, ghecroont opt hooft,

 

o spieghel rein ende onbesmit,

 

in hemelrijc sidi ghelooft,

 

daer ghi die hoghe vroocht besit!

 

Ave Maria cet.

 

 

7.

Des willen wi alle vrolic sijn

 

ende singhen ave domina

 

een gloriose love dijn,

 

ic singhe ti voor, singhet alle nae!

 

Ave Maria cet.

A. 47.