Horae Belgicae

[p. 80]

¶ Nr. 33.

Dit is die wise:
Ic quam in enen boomgaerden ghegaen,
daert also schone was,
ende daer moete mi die saerte

Help mi, Maria, dichten
een liedeken totter eren van di
ende wilt mijn hertken verlichten,
van sonden maken vri!
Wes wil ic mi vermeten,
ic arme creatuur?
die worme sullen mi eten,
die doot staet voor mijn duur.
Maria, hoe was u te moede
al buten Jerusalem?
och doe ghi uwen sone
so droeflic te ghemoete queemt.
Doe was u recht te moede,
als ene die sterven moet,
ende ghi seghen uwen sone
veroordelen totter doot.
Maria, door uwe minne
sidi hem nae ghegaen,
al op den berch van Calvarien
seghe ghi hem aent cruce slaen.
Wat heeft hi daer ghesproken?
ghedaen een schoon sermoen:
och vader, vergheeft hem haer sonden!
si en weten niet wat si doen.
Wat sprac hi totten schaker?
ic sals u maken wijs:
ghi sult noch heden wesen
mit mi int paradijs!
Wien heeft hi daer bevolen
die lieveste moeder sijn?
sant Johans tot enen behoeder,
dat was die neve sijn.

[p. 81]

9.

Hi heeft sijn hovet gheneighet,

 

ghesonken op sine borst,

 

hi heeft so lude gheroepen:

 

ic hebbe so groten dorst.

 

 

10.

Wat heeft hi meer ghesproken,

 

doe hi aen den cruce hinc?

 

die schult hebbe ic betalet,

 

vervullet is alle dinc.

 

 

11.

Wat heeft hi meer ghesproken,

 

doe hi aen den cruce hinc?

 

och vader, in uwen handen

 

bevele ic minen gheest.

 

 

12.

Nu bidde ic u, Maria,

 

door uwe liden groot,

 

dat ghi ons arme sondighe menschen

 

wilt helpen uut alre noot!

B. 53. Hs. 1, 1. Help nu - 2, 3. solen - 2, 4. doer - 3, 1. woe (hoe) - 3, 4. quemen - 4, 1. mi (u) - 5, 2. synne ghi (sidi) - 6, 4. want si.