Horae Belgicae

[p. 78]

¶ Nr. 32.

Dit is die wise:
tGhepens licht mi also seer ende quelt,
van mi en can ickes.....

Ic heb die schoonste uutvercoren,
haer liefde is vast in stadicheit.
hadde si ghedaen, ic waer verloren,
verloren ooc in der ewicheit.
Maria, du biste al die ic mein,
boven alle vrouwen schoon allein,
och laet mi sijn dijn troost bereit!

Ic bidde di, ic bidde di,

och staet mi trouwelic bi!
God groet u, weerde maghet reine
ende moeder der barmherticheit
ende der ghenaden een ewighe fonteine,
bewiset den sonders mildicheit!
dijn macht is groot bi god den heren,
seer gheerne volbrenghet hi dijn begheren,
sijn moeder en mach hi weigheren niet.

Ic bidde di, ic bidde di,

och staet mi trouwelic bi!

Der werelde vroude en mach niet duren,
haer arch heeft menich mensche bedroghen.
dat einde der vrouden en is niet dan truren,
haer dienres heeft si menich gheloghen.
Maria, ghi sijt die stedich blijft,
daer om keer ic tot di mijn lieft,
dijn dienre wil ic gheerne sijn.

Ic bidde di, ic bidde di,

och staet mi trouwelic bi!

Dijn doochden en conde ic niet uutspreken,
al had ic aller tonghen ghewalt,
aen mijnre macht sout mi ontbreken:
seer goetlic is dijn wesen ghestalt.
du biste des hemels een coninghinne
ende der werelde keiserinne,
in dinen handen statet al.

Ic bidde di, ic bidde di,

och staet mi trouwelic bi!

[p. 79]

5.

Mijn siele is dicke in swaren noden,

 

banghe is dat jonghe herte mijn.

 

ic sorghe, die duvel wil mi doden,

 

ooc vrese ic seer die helsche pijn.

 

ic bidde, dat ghi altijt wilt sijn

 

teghen alle quellinghe een medecijn

 

ende mi verbliden in allen liden.

 

Ic bidde di, ic bidde di,

 

och staet mi trouwelic bi!

6.

Maket mi van allen sonden vri,

 

behoedet mijn herte ende alle mine sinnen!

 

mit allen doochden vercieret mi:

 

dat bid ic door dine reine minne.

 

ghi sijt den sonders een troosterin,

 

ic lie dat ic een sonder bin,

 

daer om soeke ic ghenade aen di.

 

Ic bidde di, ic bidde di,

 

och staet mi trouwelic bi!

7.

Och weerde vrouwe, mijns herten lost,

 

ghenade begheer ic van di te ontfaen:

 

ghi sijt mijn hope ende alle mijn troost,

 

dede ghi dat, waer mit mi alle ghedaen.

 

ontfermt u mijnre, al coom ic spade,

 

ic hebbe mi dickewile quellic verraden,

 

och moeder milde, ic gheer ghenade.

 

Ic bidde di, ic bidde di,

 

och staet mi trouwelic bi!

8.

Teghen dat wi van hier nu scheiden

 

als wi dit ieven moeten laten,

 

so wilt ons hemelseher vrouden bereiden,

 

daer vroude is altijt sonder mate

 

in des hemels troon, daer ghi sijt schoon

 

verheven bi dinen ewighen soon,

 

daer di die enghelen choren loven.

 

Ic bidde di, ic bidde di,

 

och staet mi trouwelic bi!

B. 5. - Hs. 2, 6. begeerte.