Horae Belgicae



[pagina 83]
¶ Nr. 35. Dit is die wise: Mit droevighen moede blide te sijn 1.[regelnummer] Mit droeviglien moede blide te sijn, dat is seer pijnlic op mijn eet. die sommighen toont een ander aenschijn dan hem in sijnre herten gheet. o weerde vrouwe, ic lide rouwe. in di allein voor alghemein so sette ic alle mijn trouwe. 2.[regelnummer] Altijt in dinen dienst te wesen conde ic dat doen, hoe wel waer mi. al waer ic siec, ic soude ghenesen, wanneer ic troost mocht crighen van di. o bloeme schoon, du draghest die croon, dat dijns ghelijc in al eertrijc nie wijf en was so schoon! 3.[regelnummer] Rein edele keiserinne, mijns herten ..... gheer, hoe goetlic is dijn wesen ghestalt, boven al bistu te prisen seer: du hebste alles wenschen ghewalt. dijn lieft is goet, si ghevet moet, een groot jolijt tot alre tijt, nemet mi in dijn behoet! 4.[regelnummer] Ic weet wel, dattu stedich bist dier men so weinich op eerden vint. ic begheer dijn gonst mit ganser vlijt, der niders en achte ic niet een twint. ic bidde te sterven, eer di te derven. hooch gheboren, voor alle vercoren, laet mi dijn hulde verwerven! 5.[regelnummer] Alles dinghes een einde, dat merk ic wal, sonder dine mhme, o reine fonteine: die dat bekent, en dwaelt niet al.
[pagina 84]
du biste teder ende maghet reine, vol van ghenaden, staet mi in staden! ic moet begheven cortelic dit leven: och wilt mi dan beraden! B. 6. - Hs. 1, 4. dat (dan).