Horae Belgicae

¶ Nr. 29.
Ic sie des morghens sterre.

Maria coninghinne,
mijn troost, mijn toeverlaet,
vercrijcht mi u kints minne,
berou voor mijn misdaet!

Des worde ic wel ontware,
dat u kints minne is goet,
want si can therte verclaren
ende gheven goeden moet.

Och haddic mi begheven,
doen ic was van tien jaren,
int gheestelike leven,
ic waer sijn min veel nare.

Nu troost mi keiserinne,
Maria suver maecht,
sterct mi in u kints minne,
droefheit van mi verjaecht!

A. 60.