Horae Belgicae



[pagina 72]
¶ Nr. 28. Dit is die wise: Het viel een coelen douwe tot enen vensteren in nae eenre...... 1.[regelnummer] God groet u coninghinne, Maria soet gheluit, ghi sijt een vat vol minnen, altoos ghebenedijt! o weerde bruut der weelden, u lof is ewich lanc, fonteine des ewighen levens, schenket ons der minnen dranc! 2.[regelnummer] God groet u, alreclaerste, die ic aenschouwen mach! Maria onse bewaerster, si is een ewich dach vol schoonheit sonder verdrieten, vol alre doochden groot. och mocht ic haer ghenieten, die edele rose root! 3.[regelnummer] God groet u, merghensterren, o spieghel sonder smit, schoonheit sonder meren, o lelie onbesmit, Maria edele sonne, ic mach u gheven prijs, ghi sijt een suver bloeme, een rose des paradijs! 4.[regelnummer] God groet u, suver maghet, o peerle der joncfrouwen schoon! ghi schijnt ghelijc der sonnen al in des hemels troon,
[pagina 73]
daer is si uutvercoren een spieghel al volmaect, als een vercierde rose, och moeder ende maecht! 5.[regelnummer] God groet u, suver maghet, o soete medecijn, och dach die ewich daghet, hoe gheerne waer ic bi di! en wilt mi niet vergheten, wel edel honichroot, als mi mijn herte sal breken al in der uren mijns doots. B. 10. - Hs. 3, 3. meeren - 5, 6. honichroete - 5, 7. here (herte) - 5, 8. dodes.