Horae Belgicae

[p. 33]

¶ Nr. 10.

Die sonne der rechtverdicheit
die is nu op gheganghen.
die vroude wil ons worden breit,
daer heeft ons nae verlanghet.
gheboren is die heilighe crist,
die der werelt een verlosser is,
nu laet ons jubileren!

Die enghelen songhen den soeten sanc,

dattet in den hemel clanc:

gode in excelsis gloria.

Die duuster wolke is verdreven,
die ons den schaden dede,
dat die sonne niet en conde ghegheven
haer licht op enighen steden.
die mane gheeft ons lichten schijn,
si wil der sonnen een hulper sijn,
ghenade wil sich meren.

Die enghelen songhen cet.

Een serpent hielt menich jaer
ghevanghen onse gheslechte,
des sijn wi heen ghequitet daer
mit Cristus gheboorte van rechte.
die gheboorte betemmet ons alleen,
dat daer heeft ene joncfrouwe reen
een kindeken ghewonnen.

Die enghelen songhen cet.

Drie coninghe quamen ghereden daer
so veer uut heidenschappe,
ene sterre gheleide si openbaer,
si quam van godes crachte.

[p. 34]

 

merre, wirooc ende gout

 

dat brachten daer drie heren stout,

 

si brachten salicheden.

 

Die enghelen songhen cet.

 

 

4.

Herodes des harde toornich was,

 

hi woude salicheit niden.

 

dat godes sone gheboren was,

 

hi en conde des niet gheliden.

 

hi werp enen toorne in sinen moet,

 

ende hi verstortede der kinder bloet,

 

want hem was harde lede.

 

Die enghelen songhen cet.

 

 

5.

Vervrouwet u kinder jonc ende out,

 

nu roepet ende singhet lude

 

ende maket uwe vroude menichfout:

 

god is gheboren huden,

 

hi is gheboren van Marien,

 

hi wil ons van den sonden vrien:

 

des helpe ons Maria!

 

Die enghelen songhen cet.

B. 84. - Hs. 3, 1. quemen - 4, 1. H. was des h.t. -