Horae Belgicae



[pagina 19]
¶ Nr. 2. 1.[regelnummer] Mit desen niewen jare so wort ons openbare, hoe dat een maecht vruchtbare die werelt al verblijt. Ghelovet moet sijn dat soete kindekijn, gheeert moet sijn dat maechdelijn nu ende ewelic tot alre tijt. 2.[regelnummer] Die enghelen singhen schone hier boven in den trone Marien der maghet te loven, daer driven si jolijt. Ghelovet moet sijn cet. 3.[regelnummer] Doe achte daghen waren gheleden, so wert dat kint besneden al nae der jootscher seden, des sulle wi sijn verblijt. Ghelovet moet sijn cet. 4.[regelnummer] Drie coninghe uut veren lande die quamen mit offerhande tot alre werelde heilande in eenre corter tijt. Ghelovet moet sijn cet. 5.[regelnummer] Si gaven hare gaven, een ieghelic van hare haven den kindekijn te laven ende ooc der moeder sijn. Ghelovet moet sijn cet. 6.[regelnummer] Daer Jesus in der cribben lach te Bethlehem dat dat geschach: gout, wirooc, merre nae hare maneren, dat gaven si den kinde te eren. Ghelovet moet sijn cet. B. 80. Str. 3 und 4. auch in Nr. 1. - Hs. 6, 3. golt.