Horae Belgicae

[p. 15]

I. Weihnachtslieder. Nr. 1-26.

[p. 17]

¶ Nr. 1.

Mit desen niewen jare
so wort ons openbare,
hoe dat ene maecht vruchtbare
die werelt al verblijt.

Ghelooft moet sijn dat kindekijn,

gheeert moet sijn dat maechdekijn

nu ende ewelijc tot alre tijt.

Hoe wel was haer te moede,
doe si in vleisch ende bloede
aensach haers herten hoede,
den heer der werelt wijt.

Ghelooft moet sijn cet.

Si baerden sonder pine
ende si bleef maghet fine,
des sondaers medicine:
des hebben die joden spijt.

Ghelooft moet sijn cet.

Die enghelen songhen schone
glorie in den trone
ter eren ende ten love
den kinde seker sijt.

Ghelooft moet sijn cet.

Drie coninghen onbecande
quamen doen offerhande
uut Orientenlande
den heer ghebenedijt.

Ghelooft moet sijn cet.

[p. 18]

6.

Elc vrolic singhe voort ane

 

ende bid hem ende vermane,

 

om ons bi hem tontfane,

 

als ons die doot verwint.

 

Ghelooft moet sijn cet.

A. 4. Nach Str. 4. von anderer Hand:

Dat kint van doochden rike
bracht ons al in aertrike
vrede ghewaerlike,
die harderen haens jolijt.

Ghelooft moet sijn cet.

Wieder von anderer Hand sind noch drei Strophen hinzugefügt, die nach unserer 6. eingeschaltet werden könnten, wenn das Ganze dadurch gewänne.

Doen dat Herodes wiste,
sijn herte sere twiste,
hi vraechde daer nae mit liste,
nochtan so had hijs nijt.

Doen achte daghen waren leden,
so wert Jesus besneden
al nae der jootscher seden,
dwelc ons van sonden vrijt.

Als Simeon die oude
sach tkint, sijn hert vervroude,
hi sprac, dat ons noch soude
van sonden maken quijt.

Dies Lied steht auch Kersnachtse Nachtegael bl. 60, 6 Strophen lang. Vgl. Hor. belg. 2, 17. und Willems oude vlaemsche Liederen Nr. 196.